رواية اختبار القدر جميع الفصول كاملة

: طليق حضرتك رافع عليكى قضيه بضم ابنه لحضانته 

مسكت الورقه بصدم#مه وهى ترتعش بين يدها لتهبط دموعها تلقائيا عندما رأت بالفعل محتويات الورقه لقد سرق سعادتها هو واختها وبيتها واحلامها والان يود ايضا اقتلاع ابنها من احضانها لتنظر اليه بدموع: بس ابنى لسه بيرضع صغير اكيد المحكمه مش هتحكمله بيه مش كده 

شعر الرجل بالشفقه تجاهها بسبب دموعها وحالتها ليهتف بهدوؤ: والله يا مدام دى حاجه بترجع لحجج طليقك الى هيقدمها علشان يضم ابنك غير كده الطبيعى الطفل بيبقا معاكى 

هزت راسها بدموع وهى توقع استلام الاوراق لتغلق الباب وهى تنظر امامها بريبه وشرود هل من المعقول ان ياخذ منها ولدها بالفعل لتهز راسها بفزع من مجرد التفكير، تنهدت بحزن وهى تسال نفسها متى سترتاح حتى بعد ان تركها ومازالت مشاكله تلاحقها فى كل مكان 

فاقت على صوت شهد: مين الى كان بيخبط يا حوريه 

نظرت لها حوريه بهدوؤ وهى تنظر اليها بنظرات متفحصه لتهتف بجمود: سيف عايز ياخد حضانه ساجد 

هتفت شهد باستنكار وصدم#مه: اي؟! ياخده ازاى ومين الى هيربيه عنده أصلا 

نظرت لها حوريه بهدوؤ وقد تفهمت صدم#مه شهد فاذا كانوا ينوا الزواج وهو ينوى اخذ ساجد اذا شهد هى التى ستقوم بتربيته لتهتف بغضب: ابنى خط احمر يا شهد هيفضل فى حضنى لاخر يوم فى عمرى فهميه وعرفيه الكلام دا كويس 

ابتلعت شهد ريقها برعب وتوتر: وانا اعرفه ليه اصلا انا مش بكلمه 

نظرت اليها حوريه نظرات حاده: يبقا تكلميه وتعرفيه وان القضيه دى كده كده خسران فيها لان الولد لسه بيرضع 

لترمى كلماتها بغضب وتتركها واقفه جسدها يرتعش بتوتر من كلمات اختها وايضا بغضب من سيف وتفكيره

دلفت الى غرفتها واغلقت الباب بسرعه وهى تمسك هاتفهها بعصبيه بانتظار رد سيف على الهاتف لتستمع الرد بهدوؤ 

: اي يا سيف الى بتعمله دا انت عايز حضانه ساجد بجد 

هتفت بتلك الكلمات بعصبيه وصدم#مه 

ليهتف بضيق: لازم ابين انى شارى ابنى وقرصه ودن ليها علشان متفكرش تتجوز وان جوازها هيبقا قصاد وجود ساجد 

هتفت بغضب: ما تتجوز يا سيف ولا تولع احنا مالنا انا وانت هنتجوز ودا الى احنا بنخطط ليه من زمان هى بقا تتجوز دى لو لقت اصلا الى يتجوزها 

هتف بعدم فهم: يعنى اي هى مش هتعرف تتجوز؟! 

جلست شهد على السرير وهى تهتف بهدوؤ: يعنى حوريه معاها ولد ومطلقه ااه لسه صغيره بس مش هيجيلها شباب زى الاول يعني هيبقوا رجاله كبيره والى هيبقا فاضله يومين ويموت وهكذا دا غير بقا انا فاهمه حوريه اختى مش هتتجوز أصلا وبكره تقول 

هتف سيف بشرود: يعنى انتى متاكده من حوار جوازها دا 

اومات شهد بتاكيد: طبعا مش هتوافق خالص على اى حد علشان ابنها كمان زى ما قولت انا هقولها انى كلمتك وهديتك وقعدت اقنعك علشان تتنازل عن القضيه بس بشرط منك ان ميكونش لابنك جوز ام وهى متتجوزش خالص ها اي رايك 

ابتسم باعجاب الفكره: لا عجبنى تفكيرك يا حبيبى 

ابتسمت بدلال: بس الى يقدر بس ونتجوز ونخلص من حوريه وقرفها