رواية اختبار القدر جميع الفصول كاملة

هتف بحب: هنخلص خلاص شويه بس وهفاتح ابوكى فى الموضوع وهخلى امى الى تكلمه كمان وهى هتقنعه 

ابتسمت بفرحه: ااه مامتك ماشى هى بتحبنى اصلا وبتكرهه حوريه اوى علشان استايل لبسها الواسع وكده عارف كانت دايما تقولى مش لو كنت شوفتك قبل اختك كنت جوزتك لسيف 

ابتسم سيف: وادينا هنتجوز اهو ولا تزعلي بس متنسيش تعرفى حوريه بس 

: لا يحبيبى متقلقش هعرفها على طول بحبك 

اغلقت الباب خلفها بهدوؤ حتى لا تدرى انها كانت تقف وتسمع كل حديثها لتبتعد عن الباب وتتجه الى غرفه اخرى ولكن المختلف تلك المره انها لم تبكى نظرت امامها بشر وغل وهى تهتف بداخلها: بقا عايز تلوى دراعى يا سيف طول عمرك انانى والى حاجه الى ترميها مش عايز غيرك ياخدها بس وحياه ابنى الى معنديش اغلى منه لازم كل حرقه قلبى هردهولك ووقتها هقف واتفرج عليك زى ما عملت معايا كده بالظبط ماشى يا سيف... 

: سالى نومك مبقاش مظبوط بقالك ازيد من اربع شهور مش بتنامى كويس يا حبييتى 

هتف بها قاسم بقلق وحده خفيفه على صغيرته لتهتف بحنق طفولى: عايزه حدوته طنط حوريه يا بابى 

تنهد قاسم من تلك المشكله الان ليهتف من بين اسنانه بغيظ: طلعتلى من فين حودايت حوريه دى كمان بس 

هتف بهدوؤ: بس يا سالى كده مينفعش يحبيبتى لازم. تنامى كويس كده غلط والنانى كمان بتقول ان صحتك مبقتش كويسه بسبب كده 

عقدت زراعيها بغيظ وعند طفولى: عايزه طنط حوريه دى وحشتنى اوى 

ليتنهد بضيق: طيب اجبهالك منين دى بس 

نظرت اليه بحماس: معايا رقمها ادتهولى قالتلى لو احتجت اسمع حدوته اكلمها 

هتف بسخريه: يعنى ارن عليها اقولها تعالى احكى حدوته لسالى يعنى 

قاطعتهم سلمى بهدوؤ وهى تمسك كتابها: ممكن تيجى مكان النانا بتاعتنا عادى 

كاد ان يستنكر قاسم كلامها ولكن صمت بكلامها بتفكير وهو ينظر امامه ويفكر فى عده اشياء وقدوم حوريه اليهم، ليهتف: هاتى يا سالى رقمها كده بسرعه 

لتسرع سالى الى غرفتها سريعا لتجلب الرقم تحت شرود وتفكير قاسم الشديد بما سينوى فعله 

كعاده اخر شهور منذ طلاقها وانتهاء فتره عدتها وهى تجلس بالمنزل حاولت اقناع والدها بالعمل لكن بلا جدوى كانت تنتهى محاولاتها بالفشل، لا تنكر فكره خوفها من تنفيذ سيف تهديده اليها بانه سياخذ الطفل وهى تتوقع منه ان يفعل اى شئ ويقول اى شئ حتى يحصل على ابنه ويحرق قلبها رغم تعدد الطالبين لها للزواج مع انتهاء فتره عدتها وتوافد اليها الكثير ومنهم شباب ايضا لم يسبق لهم الجواز فقد خسرت حوريه وزن كثير تلك الفتره لترجع لصباها ورغم قله خروجها من المنزل ولكن زاد الطلب عليها واحيانا كانت تشعر بنظرات الحقد من شهد نعم هى توقعت منها كل شئ فقد سرقت زوجها منها حقا الن تنظر اليها بحقد؟! 

تنهدت بهدوؤ وهى تلقى نظرها على صغيرها النائم بجوارها حتى استمعت لرنين الهاتف لتلتقطه بهدوؤ: السلام عليكم 

تنحنح بهدوؤ: وعليكم السلام ازيك يا مدام حوريه 

عقدت حاجبيها باستغراب: ايوه مين؟! 

هتف بندوؤ: انا والد سالى الى كانت تايهه ولقتيها 

هتفت بتذكر: اااه ايوه خير حضرتك 

هتف بعمليه: بصى انا عارف ان طلبى هيبقا غريب شويه بس دا بسبب تعلق بنتى جامد بعد ما قابلتك وكده فكنت عايز تبقى النانه بتاعتهم هى واختها لو حضرتك بتدورى على شغل وكده