روايه ممتعة للغاية بقلم شيماء صبحى

اسكتي يا ملك علي الي انا فيه المطعم الي شغاله فيه محتاجين عمال والدنيا زحمة جدا وانا وزمايلي مش ملاحقين والنهاردة في شركة هيعملو اجتماع شغل وطبعا هياكلو بعد ما يخلصوا والمدير طلب مني اخدم الطربيزه دي بس انا للاسف لازم اروح مع خطيبي علشان نحجز الفستان والكوافير ومش هعرف اني افضل في الشغل لان الشركه دي هيتاخرو 

كنت مش عارفه ارد اقولها ايه بس قالتلي 
ملك هو انتي عندك حاجه النهارده 
رديت وقولت لا 
قالتلي اعملي معروف في اختك بق وتعالي اقفي مكاني ومتقلقيش المدير هيظبطك في الفلوس وانا هوريكي هتعملي ايه بس ونبي وافقي 
قعدت افكر شويه وانا مش عارفه ارد اقول ايه بس فكرت في حالي واني الفلوس الي معايا قربت تخلص وان علاج ماما قرب يخلص ومحتاجه فلوس قولتلها خلاص يا نسومة موافقه سمعت صوت نسمه وهيا بتضحك خلاص يا حبيبتي متحرمش منك طول عمرك جدعه يا لوكه يلا انا هبعتلك العنوان في رساله متتاخريش 
قفلت معاها وقومت اغير هدومي واستأذنت من ماما اني هروح اساعد نسمه في حاجه وماما وافقت وقالتلي متتاخريش وخلي بالك علي نفسك حضنتها ونزلت وانا متوتره لاني عمري ما اشتغلت في مطعم نهائي 
وصلت بعد وقت للمطعم وكان مطعم فخم جدا من الواضح ان محدش بيدخلوا غير الناس الغنيه والمهمة 
دخلت وانا متوتره وبلغت واحد من الي موجودين اني صحبت نسمه وهوا دخل بلغها اني وصلت ولقيتها كانت جايه وهيا مبتسمه ولاكن اتفجات انها خست جدا حضنتها بفرحه اني شوفتها 
نسمه وحشاني اوي يا ملك عامله ايه وماما عامله ايه 
ابتسمت وانا بقول احنا كويسين جدا بس انتي خسيتي كدا ليه يا بنتي 
ضحكت وقالت كلو من التفكير يا اختي علشان الفرح والتوتر دا 
ابتسمت وحضنتها تاني وهيا قالتلي تعالي بق يا ملوكه اما اوريكي الاوضه الي هتهتمي بيها وانا عارفه انك صحفيه قد الدنيا ودا مش كارك بس عارفه انك بت جدعه وهتقفي جمب صحبتك! 
ابتسمت وهيا اخدتني لغرفه تبديل الملابس كان موجود لبس خاص بالويتر نسمه ادتني لبس وانا لبسته وكنت متفجاه من شكلي خرجت لنسمه الي كانت واقفه مستنياني اي القمر دا قعدنا نضحك وبعدين نسمه اخدتني للمطبخ وعرفتني للشيفات وكنت معجبه جدا بشكل المطبخ وكنت مبهوره بكميه الشيفات الي موجوده وكانت ريحه الاكل حلوه وكان بيتقدم بطريقه شيك جداا 
نسمه الضيوف هيوصلوا خلال ساعه بس علشان تتعودي هتنزلي معايا وتشوفيني بتعامل ازاي 
هزيت راسي وكان في ناس لسا داخلين بعدما قعدو شويه قربت مع نسمه وهيا كانت بتتكلم باسلوب راقي جدا وشافت طلبات الناس دي وكتبتها علي اللاب الي في ايديها وبعدين دخلنا للمطبخ وبلغت الشيفات بالوجبات المطبوبه وبعدين دخلت لمكان تاني اخدت منه مايه ومفرش خاص بالمطعم وخرجت حطتهم قدام الاشخاص وحطت المايه وبلغتهم ان الاكل هيخلص كلها دقايق 
وبعدين خرجنا وكان في ناس تاني دخلت نسمه ادتني اللاب وطلبت مني اروح اشوف طلبهم وانا كنت متوتره بس حاولت اتعامل قربت منهم وقولت باحترام اهلا وسهلا بيكم يا فندم تحبوا تطلبوا دلوقت ولا نستني شويه 
البنت هزت راسها وقالت لا هنطلب حطيت قدامهم المنيو وروحت اجيب مايه ومفارش واستنينت طلبهم وبدات اكتبه علي اللاب وقولت تمام يا فندم اي حاجه تانيه رواية مقابلة حب بقلمي شيماء صبحي 
البنت ايتسمت وهزت راسها بلا انا اتحركت للمطبخ وبلغت الشيف بالطلب وخرجت لنسمه الي سقفت وهيا مبتسمه برافوا يا ملك اي الحلاوه دي شاطره ابتسمت واستنيت الشيف بعدما خلصوا الطلب ووقتها دا كان التوتر كلو لاني مش متعوده اقدم طلبات بس انا ونسمه اتجهنا للطرابيزه الاولي وشوفت نسمه وهيا بتقدم الطلب وكان عادي جدا !! 
رجعنا وكان الطلب بتاع الطرابيزه التانيه خلص بدات اشيلو وانا خاېفه ليقع حاجه مني بس نسمه شجعتني قربت من الطرابيزه وحطيت الاكل والبنت ابتسمت وهيا بتشكرني وبعدين انا رجعت لنسمه تاني ونسمه قالت كل حاجه تمام اهم حاجه متتوتريش وانتي بتقدمي الطلب اتعاملي عادي جدا هزيت راسي بتمام ونسمه كانت خلاص لازم تمشي علشان