رواية أحببت زين الصعيد كاملة جميع أجزاء الرواية
رواية أحببت زين الصعيد كاملة جميع أجزاء الرواية
سلمي بخوف: والله والله
ياسين مسك ايديها جامد: انتي هتهتهي
ادهم شدها منه: براحه عليها في ايه انت بتعاملها كده ليه
ياسين بزعيق وبحده: ملكش دعوه يا ادهم هي مراتي وانا حر
ادهم بزعيق مماثل: هي مش خدامه تعاملها كده متنساش انها بنت عمتك
دخلت فرح: ايه في ايه انتو بتزعقو ليه
ادهم: بيعامل سلمي بطريقه وحشه يا ماما وزعيق هي مش خدامه عنده
زين من وراه: عندك حق يا ادهم انا غلطان لما فكرت اجوزه سلمي وزي ما اتجوزها هيطلقها ودلوقت
ياسين بغضب وزعيق: ما انا مش لعبه في ايدك تجوزني براحتك وتخليني اطلق براحتك
فرح قربت منه وضربته بالقلم: دي تاني مره متحترمش وجود ابوك وتزعق انت قليل الادب ومتربتش وانا معرفتش اربيك
زين قرب من سلمي: حقك عليا احنا قولنا بلاش ياسين بس انتي اصريتي هو ابني بس ميستهلكيش والله
سلمي بدموع: كنت مفكراه هيتعدل يا خالو
زين: ربنا يهديه اطلعي هاتي حاجاتك من فوق وهتقعدي مع فرح بنتي
سلمي: حاضر يا خالو عن اذنك وطلعت
ادهم: بابا انا مكنش قصدي ازعق معاه والله
زين: مفيش حاجه يا حبيبي كمل اللي بتعمله تعالي يا فرح
طلع هو وفرح وراحو اوضتهم
فرح اترمت في حضنه: هو ازاي كده يقسي عليها دي روحها فيه والله قلبي واجعني عليها
زين: اهدي يا حبيبتي اهدي وانا هشوف حل للحكايه دي
سلمي بتكلم ريم في التليفون: يا ماما انا كويسه وهو كويس معايا
سلمي بعياط: علشان بحبه يا ماما وكنت فكره هيتغير ويحبني
ريم بحزن: بطلي عياط بس كده هتتحل ان شاءلله
سلمي: يارب يا ماما يارب هقفل انا علشان انزل احضر الاكل مع مرات خالو
ريم: ماشي يا حبيبتي سلميلي عليها
سلمي: حاضر مع السلامه
جه الليل وياسين رجع بعد كله ما نام فتح الاوضه ملقاش سلمي نزل تاني خبط علي باب اوضة امه وابوه
زين فتحله الباب: عايز ايه
ياسين: مراتي فين
زين باستهزاء: مراتك ضحكتني والله
زين: في اوضة اختك وسيبها هناك
ياسين مشي من غير ما يسمع وراح خبط علي اوضة فرح
ياسين: يلا يا سلمي اطلعي
سلمي: خالو قالي انام مع فرح
زين من وراه: اطلعي معاه يا حبيبت خالو ولو زعق فيكي بس انزلي والمره الجايه هخدك انا اوديكي عند مصطفى وهو يتصرف معاه علشان محدش بقي قادر عليه وسابه وطلع
ياسين مسك ايديها: يلا وخدها وطلع
عند فرح وزين
زين: حبيبتي انتي مكلتيش كويس هقوم اجيبلك اكل
فرح حضنته جامد: مليش نفس خليك بس معايا
زين بحب: انا معاكي علي طول يا حبيبتي ريحي نفسك ونامي وخدها في حضنه ونامو
ياسين طلع من الحمام ولقي سلمي قاعده علي طرف السرير
راح قعد علي الكنبه وشاورلها: تعالي
سلمي وقفت قدامه بتفرك في ايديها: نعم
ياسين: مهما يحصل متحكيش حاجه ل بابا ولا ماما
سلمي بخوف: حاضر
ياسين:مش هحذرك تاني يلا روحي نامي
سلمي راحت نامت وهو نام جنبها وحضنها وهي اتخضت وبتحاول تبعد
ياسين وهو مغمض عينه: نامي احسلك وخلي ليلتك تعدي
سلمي سكتت وبعد شويه غلبها النوم
الصبح سلمي صحت وقعدت تبصله
سلمي في سرها: ايه غيرك عليا انت قبل ما تسافر كانت روحك فيا جرا ايه بس مش فاهماك
ياسين فتح عينه: بتبصيلي كده ليه
سلمي بحزن: مفيش حاجه هقوم احضرلك الحمام علشان انزل احضر الفطار وقامت خلصت ونزلت لقت زين قاعد
زين: صباح الخير يا حبيبتي
سلمي: صباح النور يا خالو انت صاحي بدري كده ليه
زين بتنهيده: انا منمتش يا سلمي
سلمي باست ايده: متفكرش كتير في موضوع ياسين هتتحل ان شاءلله
زين حضنها: ان شاءلله ي حبيبتي
سلمي:هقوم انا احضر الفطار وقامت دخلت المطبخ
بعد شويه كانو كلهم نزلو معادا ياسين خلص لبس ونزل
بيمسك ايد امه يبوسها زي كل يوم فرح شدت ادها منه بغضب ودورت وشها
ياسين: ماما
فرح مردتش عليه وهو قام طلع بره القصر
سلمي حطت الفطار: فين ياسين
فرح بحده: سلمي كلي
سلمي بصتلها وسكتت
ادهم همس ل فرح اخته وهي هزت دماغها
فرح: بابي عاوزه انزل اشتري هدوم
زين: اللي تطلبيه كله يا روح بابا
فرح: بس عايزه سلمي معايا
زين: ايه رايك يا سلمي
سلمي: ماشي يا خالو هروح
فرح: طيب اطلعي يلا البسي
سلمي هزت دماغها وطلعت تلبس ومسكت تليفونها ورنت علي ياسين
سلمي بتوتر: الوو
ياسين ببرود: عايزه ايه
سلمي: فرح عايزاني انزل اشتري معاها حاجات اروح
ياسين ببرود: لا
سلمي: ليه
ياسين:هو كده
سلمي: ياسين لو سمحت عايزه وقبل ما تكمل كلامها هو زعق بصوت عالي
ياسين بزعيق: قولت لا ايه مبتفهميش
سلمي بدموع: حاضر وهو قفل في وشها وهي قعدت تعيط لحد ما فرح (الصغيره) طلعتلها
فرح حضنتها: مالك بتعيطي ليه
سلمي بعياط: مفيش حاجه حبيبتي روحي انتي ياسين مرضاش اروح
فرح: طيب خليكي هنزل اعمل حاجه واجي
و نزلت ل زين
فرح: بابا سلمي بتعيط فوق وباين ابيه ياسين زعقلها ومرضاش تروح معايا
زين: هو مش هيجيبها ل بر اعمل معاه ايه
مسك التليفون ورن عليه
زين: ربع ساعه وتكوني قدام يا استاذ وقفل في وشه
بعد شويه ياسين جه وراح ل زين
ياسين: نعم يا بابا
زين: هو سؤال انا عارف انك بتحب سلمي من زمان ايه اللي اتغير
ياسين: مفيش حاجه يا بابا
زين بغضب: تمام يبقي المأذون فاضل شويه ويوصل ومصطفي وهتطلقها جهز نفسك
ياسين بغضب:….
ياسين بغضب: وانا مش هطلقها يا بابا
زين بتنهده: يبقي تريح قلبي وتقولي بتعاملها كده ليه انا عارف انك بتحبها
ياسين: تمام يا بابا انا هحكيلك
بدأ يحكي
فلاش باك
ياسين قاعد علي اللاب توب بتاعه بيخلص اخر شغل علشان ينزل لقي حد بعتله صور ل سلمي واسكرينات ومحادثات ليهم سوا وكانت صور مش كويسه
عوده للحاضر
ياسين بتنهيده: وعرفت مين صاحب الرقم لما نزلت وابتديت اراقبها وفعلا لقيتهم واقفين سوا مره
زين: انت بتقول ايه انت اتجننت سلمي دي بنتي مش بنت اختي انا اللي مربيها
ياسين: والله دي الحقيقه يا بابا
زين: تمام يا ياسين اطلع ليها
ياسين باحراج: احم بابا انا اسف علي طريقتي معاك انت وماما بس انتو مش حاسين النار اللي في قلبي انا مش بحبها والله انا بعشقها بس مش قادر ي بابا مش قادر
زين قرب منه: مش زعلان بس امك مش هتتصالح بسهوله وحاسس بيك والله بس عايز الرقم اللي اتبعت منه الصور
ياسين: هتعمل ايه
زين: هتأكد يا حبيبي علشان سلمي استحاله تعمل كده
ياسين بهدوء: تمام يا بابا هبعتهولك وهطلع انا علشان تعبان تصبح على خير
زين: وانت من اهل الخير
ياسين طلع وفتح الباب لقي سلمي صاحيه لسه
ياسين: منمتيش ليه
سلمي: مستناك لما تيجي يمكن تحتاج حاجه
ياسين: لا نامي وسابها ودخل الحمام وهي عيونها دمعت بحزن
خلص وطلع لقاها نامت راح نام جنبها وبصلها
ياسين في نفسه: لو طلع ملكيش ذنب هحر’ق الدنيا بس لو طلع الموضوع حقيقي والله امو’تك يا سلمي وملعون ابو قلبي وقتها
و فضل يفكر لحد ما النوم غلبه
الصبح
فرح نايمه في حضن زين
فرح: زين
زين كان سرحان بيفكر في موضوع سلمي
فرح فضلت تنادي عليه
فرح: زيييين
زين: نعم
فرح: انا بقالي ساعه بكلمك وانت ولا هنا
زين: معلش يا حبيبي سرحت شويه مالك
فرح: مفيش حاجه انا قايمه
زين شدها ل حضنه: استني بس والله كنت سرحان مخدتش بالي قوليلي مالك
فرح بتنهيده: انت كلمت ياسين امبارح
زين: اه
فرح: وقالك ايه
زين: مقالش حاجه كالعاده متشغليش بالك الحلوه دي بس وانا هحل كل حاجه
فرح: طيب هقوم ويلا ادخل خد دش وقامت طلعت بره
عند سلمي وياسين
سلمي صحت بصت علي ياسين بحزن وقامت حضرت هدومه ونزلت وهو كان صاحي خلص ونزل لقي فرح قاعده
