رواية أحببت زين الصعيد كاملة جميع أجزاء الرواية
رواية أحببت زين الصعيد كاملة جميع أجزاء الرواية
فرح بابتسامه: ماشي ي حبايبي يلا تروحو الحضانه بابا هينزلكم النهارده بس ماشي
ياسين: ماشي
فرح بهمس: طيب يلا خدو مصروفكم من بابا وقولوله يزوده حلاوة البيبي الصغننين
يزن: ماسي
زين طلع من الحمام والاتنين راحو عليه
يزن: عايز فلوث (فلوس)
ياسين: وانا كمان
زين بضحك: ماشي تعالو وطلع ل كل واحد فيهم فلوس
يزن: عايز فلوث كمان يا بابا
زين: ليه
يزن: كده ماما قالت خدو من بابا فلوث زياده حلاوة البيبي
زين بص ل فرح وهي ضحكت وخبت وشها بالبطانيه
فرح بصوت واطي: منك لله يا ابن زين
زين رفع البطانيه: ماله ابن زين بقا
فرح: ملوش يا روح قلبي
زين: بحسب
و كمل بجديه: اخر مره تقوليلهم ياخدو فلوس كتير كده هيبقو طماعين يا فرح سمعتي
فرح: حاضر يا حبيبي
يزن: ماما احنا ماسيين (ماشيين)
فرح: ماشي يا حبايبي هاتو بوسه يلا وبابا هيوصلكم
الاتنين جريو عليها حضنوها وباسوها وزين اخدهم ونزل
ريم وصبا دخلولها
صبا: صباح الخير يا حبايب مرات عمكم
فرح: صباح الفل ي صبا مش عارفه اقولك ايه والله علي اللي عملتيه انتي وريم
صبا: متقوليش اي حاجه
و كملت بهزار انتي مش هتعمليلي اياك
فرح بضحك: طبعا دا انا عيوني ليكم انتو الاتنين ربنا يقومكم بالسلامه يارب
ريم وصبا: امين
ريم: هنزل اجيبلك اكل واجي
فرح: لا لا اقعدي واما زين ييجي يجيب تعالو جنبي هنا
الاتنين قعدو جنبها وشالو العيال
سميحه طلعت: صباح الخير والورد
فرح: صباح الفل يا احلي ماما تعالي هنا
سميحه قعدت جنبها: انتي كويسه دلوقت يابتي
فرح باست ايديها: الحمدلله والله كويسه
سميحه: الحمدلله
زين طلع ولقاهم كلهم قاعدين
زين: في ايه متجمعين كده ليه خضتوني
كلهم ضحكو
سميحه: انزل قول ل ام صلاح تطلع الوكل مرتك علشان اختك ومرت اخوك مش قادرين ينزلو
زين: ماشي ونزل
بعد شويه جه ومعاه الاكل: يلا هاتي فرح وكلي انتي
فرح: حاضر وقعدت كلت وريم وصبا فضلو معاها
عدي كام يوم وجه يوم السبوع
زين قام من بدري: حمزه يلا جهزو العجول علشان عايز اد’بح انا
حمزه: جاهزين ياخوي يلا
زين راح دب’ح وعملو احلي سبوع
بعد مرور 22 سنه
في قصر زين
زين صاحي بيبص علي فرح وهي قامت
زين بحب: صباح الجمال
فرح باسته: صباح الخير يا حبيبي
زين: انا مشوفتش حد بيصحي من النوم يكون بالحلاوه ده
فرح بكسوف: بس يا زين
زين: بعد العمر ده كله لسه بتتكسفي مني
فرح حضنته: وانت بعد العمر ده كله لسه بتحبني
زين بحب: هفضل احبك لحد ما اموت
زين: ويخليكي لينا يا ست الكل
فرح: يلا قوم ننزل علشان العيال زمانهم صحو
زين بغمزه: طاب ما تخلينا وسلمي هتحط الاكل
فرح قامت بسرعه دخلت الحمام: والله ما تحصل
زين بص علي صورتهم سوا كلهم: ربناا يخليكم ليا يارب وقام هو كمان
الاشخاص
زين وفرح خلفو (يزن وياسين وادم وادهم وفرح)
ريم ومصطفي خلفو (سلمي وملك وسليم)
مالك وصبا خلفو (ماليكا ومكه)
حمزه وتيا (خالد ونانسي وايهاب)
ملحوظه (كله هيقول حمزه ازاي خلف وهو مكنش اتجوز هو اتجوز بس انا مزكرتش ده)
(ياسين ماسك شركته الخاصه زي ابوه ومتجوز من سلمي بنت ريم)
في اوضه ياسين فاق وكانت سلمي تحت
ياسين دخل الحمام وخلص ونزل لقي كله تحت الا سلمي
باس ايدين ابوه وامه وصبح علي اخواته وراح المطبخ لقي سلمي واقفه تحضر الفطار
ياسين بحده: لو حصل ونزلت من غير ما انا اقوم وتحضريلي هدومي هتشوفي حاجه مش هتعجبك
سلمي بخوف: حاضر
ياسين سابها وطلع قعد علي السفره وهي طلعت وراه
ياسين: انا رايح الشركه يا بابا
زين: يابني انت فرحك كان من يومين اقعد النهاردع مع مراتك
ياسين ب لامبلاه: الشغل اهم
زين بحده: ياسين احترم نفسك مراتك اهم من الف شغل ومش هتروح يزن هيروح مكانك
ياسين قام بغضب:بابا لو سمحت ده شغلي
زين بغضب: انت بتعلي صوتك كمان ما تيجي تاخدني قلمين
فرح بحده: ياسين اعتذر من بابا
ياسين بغضب مكتوم: اسف وطلع وسابهم
فرح بصت ل زين بحزن: هو بقا قاسي كده ليه يا زين
زين بتنهيده: معرفش كملو اكل يلا
ادم: انا همشي يا بابا عندي محاضر
(ادم رابعه كلية طب)
زين: ماشي ي حبيبي هتروحي يا فروحه معاه يوصلك
فرح الصغيره: لا يا بابي هستني هنا صحبتي نروح سوا
(فرح في رابعه كلية فنون جميله)
زين: روح يا ادم
ادم راح عند فرح اخته وعدل الخمار بتاعها
ادم: الخمار ده يتظبط عن كده سامعه يا استاذه
فرح بابتسامه: حاضر
ادم مشي وزين وجه كلامه ل ادهم
زين: وانت يا استاذ معندكش حاجه
ادهم وهو بياكل: معنديش حاجه يا حاج قاعد معاك النهارده
(ادهم في رابعه كلية هندسه)
“ادم وادهم وفرح توأم ”
زين: هو احنا كنا فين والواد ده بيتربي بس يا فرح وبعدين انا ماشي اصلا روح شوفلك حاجه اعملها
فرح بضحك: دا حبيب امه ربنا يحميه
زين: نعم ياختي قولتي ايه
ادهم: مقالتش يا حاج مقالتش انا هقوم قبل ما انضر’ب
فرح: انت رايح الشركه
زين: اه رايح هشوف كام حاجه وارجع علي طول وانت يا يزن يلا مكان اخوك
يزن باحترام: حاضر يا بابا وقام
زين: انا ماشي يا حبيبتي عايزه حاجه
فرح: سلامتك يا حبيبي
زين يحنان: عايزه حاجه يا حبيبت خالك
سلمي: لا يا خالو
زين باس راسها هي وفرح ومشي
فرح: تعالي يا سلومه نقعدو بره سوا وطلعو وياسين كان واقف في البلكونه بيشرب سجا’ير
فرح: انا عارفه ان ياسين طبعه وحش بس والله معرفش ايه غيره كده سافر وجه بالشكل ده وانا عارفه انك بتحبيه من زمان وهتغيريه
سلمي بدموع: طيب هو ليه كده حصل ايه دا انا بخاف ارفع عيني ابصله يا ماما صوته بيرعبني
فرح حضنتها: اهدي بس واحنا هنخليه يتعدل ماشي ي حبيبتي يلا امسحي دموعك
سلمي: حاضر يا ماما هطلع اشوفه واجي
طلعت وبتفتح الباب لقت ياسين واقف وحاطط ايده في جيبه
ياسين بنبره مرعبه: ايه طلعك الجنينه
سلمي بخوف: ماما والله قالت تعالي نطلعو والله يا ياسين
ياسين قرب منها وقال بصوت مرعب: دي اخر مره تعملي حاجه من غير ما اعرفها الاول قبل ما تتعمل فاهمه
سلمي هزت راسها بخوف: فاهمه والله
ياسين: شطوره انزلي اعملي شاي وتعالي وطرحتك دي تتعدل زي الناس ويتحط فيها دبوس
سلمي: حاضر وعدلت طرحتها ونزلت
دخلت المطبخ لقت…
سلمي نزلت تعمل ل ياسين شاي
لقت ادهم لابس مريلة المطبخ وبيعمل كيكه
سلمي بضحك: ايه ده يا ادهوم بتعمل ايه
ادهم: زي ما انتي شايفه ياختي بعمل كيكه
سلمي: طيب اوعي هعملها انا
ادهم: لا هعمل انا يا سلومه
سلمي سرحت في ياسين هو ليه مش زي اخواته
ادهم: سلمي مالك سرحتي في ايه
سلمي بتنهيده: ولا حاجه يا ادهم
ادهم قرب وقف قصادها: بتخبي عني هو انا مش اخوكي
سلمي: طبعا والله اخويا
و كملت بحزن: ياسين
ادهم: بصي انا معرفش هو ماله وليه بقا كده والله هو من ساعت ما جه وهو كده انا عارف انك بتحبيه من قبل ما يسافر بس نستحمله شويه صغننين كمان
سلمي بابتسامه حزن: ربنا يهديه يا ادهم يارب
دخل ياسين بزعيق: ده كله بتعملي الشاي
