رواية جنون الحب جميع الفصول كاملة بقلم يارا الكاتبة عبدالعزيز
حور ببكاء وغيرة: كانت واقفة جانبك وكانت حاطة ايدها على قميصك كمان كدا يبقى هى معملتش حاجه
راح عند المكتب وجابلها مناديل: والله انتى فاهمة غلط كانت بتقول فيه قطن على قميصى بس
مسحلها دموعها واتكلم بحنية مفرطة
: متزعليش بقى
حور بشهقات وطفولة: انت بقيت كل شوية بتتعصب عليا وانت مكنتش كدا معايا عشان انت بطلت تحبنى صح وهطلقنى.. وتروح تتجوز منار دى
فارس: بطلى عياط يا حور وبعدين انتى ليه بتألقى الموضوع على مزاجك انا لو كنت اعرف احب غيرك كنت عملت كدا من زمان يا حور انا مش غاوى وجع لقلبى برفضك ليا
حور وهى بتحضنه بقوة: متسبنيش يا ابيه
فارس: ليه يا حور انا ايه عندك
حور: مش عارفه والله ما اعرف
استغفر الله العظيم الذي لا اله الا هو الحي القيوم واتوب اليه ♥️
فارس: طب بطلى عياط عشان متتعبيش
حور وهى بتمسح دموعها بضهر أيدها: ماشى
فارس ابتسم على طفولتها: اوماال انا جبت المناديل دى ليه
حور: انا مقولتلكش جيبهم
فارس: دا انتى لسه زعلانة بقى طب استنى
راح لتلاجة صغيرة وخرج منها كذا نوع شكولاتة وادهوملها
فارس: كدا صالحتينى
حور بأببتسامة: ااه
فارس: كنتى جاية ليه بقى
حور بخوف: هقولك بس متتعصبش عليا اوعدنى وهتوافق ماشى
فارس: ااه عملتى مصيبة.. انهاردة فى المدرسة
حور: تعرف عنى كدا برضوا
فارس بتريقة: لا خالص
حور: مستر الكميا وافق انه يدينا الدرس بس فيه مشكلة
فارس: اللى هى
حور: المجموعة هتبقى خاصة فى بيت حد فينا
فارس: لا
حور: ليه يا ابيه انت عارف انا اد ايه محتاجه الدرس دا
فارس: وانا قولت لا يا حور هبقى اشرحهالك انا
حور: انت على طول مشغول
راحت عنده وهى بتقفل قميصه واتكلمت بدلع: عشان خاطرى وافق
بصلها بتوهان وهو بيبلع ريقه: هاا
حور بدلع وهى بتحط راسها على صدره: وافق اروح
فارس: تمام روحى
حور وهى بتبعد: شكرًا
فارس: المجموعة بنات بس صح
حور بتوتر: ااه بنات بسو
فارس: تمام قولى العنوان عشان اعدى اخدك
حور بخوف: طب متطلعش زمرلى بالعربية وانا هنزلك ماشى
فارس: ماشى
حور: هبقى ابعتهولك فى مسدج بقى انا همشى دلوقتي عشان الدرس بعد العصر يلا سلام
فارس: خدى بالك من نفسك
حور: ماشى
راحت حور الدرس وحاولت تتجنب النظر لهيثم اللى مشلش عينيه من عليها تحت نظرات الحزن الشديد من هنا
فارس خلص الشغل فى المستشفى وراح المكان اللى حور بعتت عنونه فضل يزمر بالعربية بس محدش سمعه بسبب ان كان فيه فرح فى العمارة وهم كانوا مندمجين فى الدرس افتكر ان حور قالتله انه فى الدور التالت طلع ورن الجرس
هيثم: يا ترى هيكون مين عن اذنك يا مستر هروح اشوف مين
على: اتفضل
