رواية زوجة اخي من الفصل الاول الى الاخير بقلم الكاتبة نور وهبه
رواية زوجة اخي من الفصل الاول الى الاخير بقلم الكاتبة نور وهبه
سرحت فى تفكيرى ونسيت احمد اللى دخل الاوضه…. ثوانى الهديه.. قومت اجرى يمكن الحقه… دخلت لقيته
قاعد على السرير وماسك البوكس في ايده قربت منه
زهره: احم احمد
احمد: ايه ده بجد؟؟؟؟
هزيت راسي ولقيته سجد على الارض يشكر ربنا وهو بيعيط…. كنت فرحانه وعندى امل كبير فى ربنا وفى احمد
انه هيربى اولادى تربيه سويه….. فوقت من تفكيرى وهو بيحضنى بحنيه وبيبوس راسي: مبارك ياروحى
زهره: الله يباركلى فيك ويرزقن الذريه الصالحه يارب يلا علشان نتغدى
احمد: انتى تقعدى هنا كده وانا هعمل كل حاجه
زهره بضحك: بدأنا بقى…… طيب خلاص خلاص روح صحى ماما وع فكره هى متعرفش
عمر: مين
زهره: انا ماما ياعمورى
عمر: ادخلى ياماما
دخلت لقيت هدومه وقعه ع الارض وهو بيسرح شعره
زهره: ايه ده ياعمر
عمر: بصراحه ياماما لبست القميص ومعرفتش اقفل الزراير فخلعته ولبست التيشرت
بس انا هلم لبسى لحد ما تجهزى الغدا وتعلمينى اقفل القميص صح لوحدى
قربت منه وانا بوس راسه: ربنا يباركلى فيك ياحبيبى انا عايزه اقولك على حاجه
عمر بتركيز طفل: ايوه ياماما
زهره: انا حامل وهجبلك اخ او اخت تلعب معاك
عمر: هتجبيها امته؟؟؟ هى مش عايشه فين ياماما؟؟
زهره بضحك: براحه… هى هنا فى بطن ماما…. هتيجى كمان 8شهور
زهره: ايوه ياحبيبى
عمر: هو حضرتك ياماما لازم تكلينا علشان تجبينا
زهره وهى تضحك بصخب: اكلكم ايه بس…. ياحبيبى ربنا بيخلقكم جوه بطنى اصلا
علشان اخلفكم واربيكم كويس وتبقوا شطرين وطيبين وبتحبوا الخير ونعمر الارض
ولما نكبر بنموت وندخل الجنه علشان كنا ناس طيبه وشاطره وبتعمل الخير ان شاء الله
عمر: فهمتك ياماما….. يلا علشان نتغدى انا واختى
زهره بضحك: خلاص بقت اختك
اما عند احمد فى شقه مامته
احمد: ماما…. ياماما
هبه: تعالى يا حبيبى انا هنا بصلى
احمد: تقبل الله يا امى
هبه: ربنا يراضيك يا ابنى
هبه وهى تحتضن احمد: مبروك يا ابنى يجعلهالك ذريه صالحه يارب ويرزقك بالحلال
احمدوهو يقبل يدها: ربنا يباركلنا فى عمرك يا امى…. يلا علشان نتغدى
كنت واقفه بجهز السفره وعمر بيحكيلى يومه فى الحضانه ليقه داخل جرى وهو بيقولى: انتى بتعملى ايه
زهره: ازيك ياماما… بحط الغدا ياحبيبى
احمد: انا مشقلت متقوميش
