اسكريبت كامل بقلم ايه موافي

وشها واعد على الكرسي وهو بيبص لكل ركن فى البيت افتكر ذكرياتهم مع بعض ودموعه نزلت وهو بيقول
انا غب ى ومبفهمش ازاى قدرت أعمل حاجة زى كدا فى سارة ازاى وصلتنا لكدا!
عند سارة
كانت بتخبط على الباب وهى مستنية امها تفتح فتحت امها الباب وكانت لسه هتقولها وحشتينى يا سوسو بس برقت پصدمة وشهقت لما سمعت سارة بنتها بتقول بإبتسامة بلهاء
أنا اتطلقت يا ماما.
يتبع
اسكريبت
قرصة ودن
اسكريبت
قرصة ودن البارت الثانى
دخلت البيت بكل برود ولا كإنها قالت حاجة.
دخلت امها وراها وشدت ودنها جامد وهى بتقول بغيظ
الحاجات دى مفيش فيها هزار انتى وقعتى قلبى يا 
جزمة سلكت سارة ودنها بالعافية من تحت ايد امها وفتحت التلاجة وهي بتقول
انا مبهزرش يا ماما انا فعلا اتط لقت.
بصتلها امها پصدمة وهي بتقول
اتطلقتوا بسبب ايه وايه الغير مبالاه اللى انتي فيها دى!!
اتنهدت سارة واعدت على الكرسى وحكتلها كل حاجة 
شتمت امها اسماء وقالت بعتاب لسارة
ما كنتى تعدى الليلة يا سارة وتكبرى دماغك لحد ما نلاقى حل.
بصتلها سارة برفض وقالت
انا عديت كتير يا ماما وجيت على نفسى كذا مرة علشان البيت ميتهدمش ودا مش طبعى عديت وكبرت دماغى لدرجة ان الصفرا اسماء زادت فيها وعدى اداها فرصة انها تتحكم اكتر واكتر لحد ما مبقاش يعمل حاجة غير بعلمها
انا متجوزاه هو يا ماما مش متجوزة اخته معاه علشان يسمحلها تدخل فى حياتنا وتوقع بينا
تخيلى يا ماما ان وصل بيها الأمر انها تطلب من عدى يديلها هو مرتبه وتجيب هى احتياجات البيت بحجة ان انا مبذرة ومش بعرف اوفر.
برقت امها پصدمة وكملت سارة بسخرية
وهو مكانش عنده مانع بس انا وقفتله وقولتله انه لو عمل كدا هسيبله البيت وامشى فتراجع هو على اللى كان هيعمله.
بصتلها امها بحزن وقالت
بس انتى ازاى مش زعلانة يا سارة دا انتى بتحبيه اوى.
بصتلها سارة بحزن وقالت
ومين قالك انى مش زعلانة يا ماما بس انا عارفة انا بعمل ايه كويس اوى.
بصتلها امها بحيرة وقالت بعدم فهم
هو انتى ناوية تعملى حاجة.
ابتسمت سارة بخبث وقالت
هو انتى مفكرة انى هسيب عدى انا بحبه وعمرى ما هخلى خطة اسماء تنجح ونبعد عن بعض.
بصتلها امها ببلاهه وقالت
انتى هتجننينى يا بت ايه منين اتطلقتى ومنين مش هتبعدى عنه انا مبقتش فاهمة اى حاجة.
رجعت سارة ضهرها ورا وهى بتسند على الكنبة وقالت
عدى مش وحش يا ماما بالعكس دا طيب جدا ومن كتر طيابته ممكن اى حد يضحك على عقله بكلمتين واسماء استغلت دا لصالحها كويس اوى
ابتسمت بشرود وقالت
عدى بيحبنى زى ما انا بحبه ويمكن
اكتر كمان واللى انا متأكدة منه انه مش هيقدر يستغنى عنى يومين كدا ولا حاجة وانتى هتلاقيه بيخبط على باب بيتنا علشان ارجعله
كملت بخبث وقالت
بس انا مش هرجعله كدا بالساهل عدى محتاج قرصة ودن