ابن ليل اميره اسامه

كبرت شويه بدأت افهم ومن نظرات امي لكرم وكلامها عنه وسيرته اللي بتيجي وسط الكلام امي بتتغير وعينها بتلمع وعرفت انها بتحبه بجد يمكن اكتر من ابويا صحيح امي اتجوزت كذا مره بس عمرها ما حبت اي حد فيهم ديما كرم هو اللي كان جوه قلبها رغم ان كان فيهم اتنين كويسين اوي بس هي معرفتش تكمل معاهم وكمان فيهم اللي مكانش عايزني ولا عايز يبقي مسؤول عني وطريقته معايا كانت وحشه وده كان الاخير وقتها انا كنت واثقه ان امي المرادي مش هتطلق منه عشان كلام الناس عليها بس لما فضل يتعامل معايا وحش يزعقلي ويضربني اوقات امي مستحملتش واطلقت عشاني 

دانه طيب بصراحه مفيش مره اضايقتي منها او حسيتي ان كلام الناس زعلك او في مره اضايقتي ان كرم مش بيبادلها نفس المشاعر
سماح لو علي كرم صراحه انا عمري ما اضايقت منه ابدا انا بحبه اوي علي فكره و بحترمه جدع بجد ولو هتمني لامي راجل تعيش معاه مش هتمني احسن من كرم بس كمان انا مقدرش ألومه علي مشاعره لان دي حاجه ڠصب عنه اولا هو موعدتش امي بحاجه ولا عمره عشمها بحب او جواز يعني مشاعر امي ناحيته هو ملهوش ذنب فيها
ولو علي امي يمكن كلام الناس هو اللي بيضايقني لان في النهايه امي اتجوزت كل جوازتها في العلن وعمرها ما عملت حاجه غلط فا كلام الناس بيجرح لكن عمره ما اثر علي علاقتي بأمي بالعكس الست دي انا اكتر واحده عارفه هي تعبت ازاي في حياتها وعملت ايه عشان تكبرني وتهتم بيا وتخليني اتعلم ومبقاش اقل من اي حد طول عمرها لوحدها وبطولها ملهاش حد غيري حبها لكرم مش چريمه هي كمان ومقدرش أقف قدامها واحاسبها انا لا عشت ولا كنت وفي النهايه انا جربت الحب وعارفه انه ڠصب عنها
دارين بإبتسامه براڤو عليكي يا سماح يا بختها بيكي 
ابتسمت سماح وكملوا قعدتهم مع بعض
عند كرم خرج من المحل راح بص علي الشغل مع احمد ومحمد وبعدين سابهم وراح بص علي هيما 
كرم ايه الاخبار
هيما زي الفل الشغل تمام
كرم انا مش بنسأل عن الشغل انا بسأل عنك انت
هيما مالي زي الفل اهو
كرم يارب ديما بس انت بقالك يومين مش عاجبني فيك ايه يا هيما
ومتقولش مفيش عشان انا حافظك كويس
هيما صدقني مفيش يا كرم يمكن مزاجي مش رايق شويه بس انا تمام
كرم ومزاجك مش رايق من ايه اكيد في سبب
هيما صدقني يا اخويا مفيش حاجه معينه بس مأريف شويه مش اكتر
كرم ماشي هنصدقوك عموما انت عارف اني موجود ديما ولو في اي حاجه تعالي ونتكلموا مع بعض
هيما ربنا يخليك ليا يا كرم
كرم يلا شوف شغلك انا رايح علي الدكان
هيما ماشي يا حبيبي
مشي كرم وفضل هيما واقف سرحان كان نفسه يتكلم مع كرم بس معرفش يقوله ايه يقوله انه معجب بدارين بنت دره طيب هيتقبل ده عادي ولا ممكن يزعل منه هو عارف ومتأكد ان ده مش تفكير كرم لكن كان خاېف يوجع اخوه من غير ما يقصد وفي نفس الوقت بعد اللي حصل من دارين وطريقتها معاه من يوم ما جات مكانش عارف يفتح الموضوع وخاف انها فعلا تكون رفضاه كا شخصيه ويرجع يتوجع تاني فا قرر انه يسكت لحد ما يتأكد من شعوره وشعورها 
قعدت دره مع نبيله ودعاء لكن كانت سرحانه حطت
دره ايدها علي خدها وفضلت تكلم في نفسها 
دره مش غريبه يا كرم تطلع قدامي مرتين في المستشفي مش قادره اصدق انها كانت صدفه كلام منكش الراجل البسيط اللي خد باله من وقفتك ومسكتك للسکينه مش كلام عادي معاه حق طريقتك مش طريقه جزار عادي مسكتك للسکينه مش عاديه يا كرم دي ماسكة جراح حتي الشنطه اللي شوفتها في عربيتك والسماعه مكانوش مجرد ادوات للذكري ولا حاجه بتفكرك بحلمك
كلام دارين عنك وعن ثقافتك وإعجابها بيك كان نفس إعاجبي وأنبهاري بيك زمان حتي يوم ما خدتني علي اللانش وقولتلك علي الفار والتلوث اللي ممكن يعمله صححتلي المعلومه وحكيت القصه صح مش معقول تكون كل دي مجرد معلومات عرفتها بالصدفه
والاهم من كل ده ان لحد الوقت مش مصدقه ان كرم اللي عرفته زمان بإصراره وحبه للحلم اللي كان بيتمني يوصله فجأه كده يتخلي عنه وعن كل حاجه عشان حب ومشاكل مستحيل كرم اللي اعرفه واللي زمان أعجبت بشخصيته مستحيل حاجه توقفه وانا واثقه انك موقفتش ياكرم وواثقه انك اتمسكت بحلمك و هفضل وراك لحد ما اعرف الحقيقه واتمني من قلبي الاقي فيك كرم بتاع زمان اللي مفيش حاجه توقفه عن حلم تعب كتير عشان يحققه
هشوف اخرتها معاك يا كرم انهارده
علي الساعه سبعه طلعت دره علي شقتها عشان تغير وتنزل 
سماح ازيك يا طنط
دره ازيك يا سماح عامله ايه مش قولنا بلاش طنط دي
سماح بإبتسامه ماشي يا دره ايدك عامله ايه الوقت
دره احسن كتير الحمد لله ماما عامله ايه
سماح بخير الحمد لله انا هستأذن بقي يا بنات
دره راحه فين خليكي معاهم انا مش هنقاطعكم يادوب هنلبس وننزل
دارين رايحه فين يا مامي
دره مشوار شغل بس مش هتأخر عليكم
سماح معلش خليها مره تانيه سايبه سونه من بدري ومبطلتش رن بدل ما تعلقني
دانه طيب بكره هتروحي الجامعه
سماح اه ان شاء الله هنتقابل هناك
دره لو عندكم محاضرات نفس المعاد روحوا سوا ليه تروحي لوحدك علي الاقل تركبي معاهم
سماح اصل عشان يعني مضايقكمش
دره تضايقنا ده ايه متقوليش كده اركبي معاهم وروحوا مع بعض اتفقوا معاها يا بنات
دانه حاضر يا مامي
ديما مامي هو ممكن بكره بعد الجامعه نروح نتغدي بره مع بعض انا بجد زهقانه اوي
دره روحوا يا روحي اتبسطوا مع بعض معنديش مانع
دارين طيب قولي بقي لمامتك
سماح خلاص هنقولها ونتفقوا مع بعض 
دارين تمام
دره يلا هروح البس انا عشان متأخرش
دخلت دره تجهز وفضلت سماح واقفه نعلهم بره يتفقوا هيعملوا ايه وبعدين نزلت 
شويه وخرجت دره بعد ما جهزت كانت لابسه بنطلون چينس و بدي بكم أبيض وعليه چاكت قصير ابيض وسايبه شعرها ولابسه كوتشي ابيض كان شكلها جميل وباين انها سنها صغير اوي 
دره بنات انا نازله هتعملوا ايه هتقعدوا تذاكروا ولا هتنزلوا تحت
دارين انا هذاكر شويه وممكن ابقي انزل
دانه وانا كمان عندي مذاكره
ديما وانا هحضر شويه حجات لبكره
دره اوك خلصوا اللي وراكم ولو حبيتوا تنزلوا انزلوا يلا عايزين حاجه
دانه سلامتك يا مامي
دارين باي 
دره خلوا بالكم من بعض سلام 
نزلت دره واول ما نزلت عينها جات في عين كرم وبعدين خرجت بسرعه علي بره وقفت مع عبدالله و أبوها شويه
كرم عينه منزلتش لحظه من عليها وكان حاسس انه مش علي بعضه من نظرات الناس عليها وحس انه غيران كانت جميله بجد كأنها لسه بنت 18
وقفت دره معاهم شويه وكرم طلع في الوقت ده علي فوق عشان يغير هدومه ويورحلها مقدرش يمنع نفسه ان ميروحش
سابتهم دره بعد ما قالتلهم حاجه ومشيت علي بره 
غاب كرم حوالي تلت ساعه ونزل خد عربيته ومشي مشافش دره اللي ابتسمت بخبث ورجعت تاني علي الشارع بصت لزكريا وعبدالله
ابتسم زكريا وهز راسه بمعني روحي
طبعا كرم مكانش يعرف انها هتروح لمها ونجوي وراحت اشترت شيكولاته وطلعت علي فوق 
خبطت دره علي الباب فتحتلها نجوي 
نجوي دره 
دره ايه هتدخليني ولا هفضل واقفه علي الباب كده
نجوي يالهوي ادخلي طبعا تعالي يا حبيبتي والله زمان يا دره
دخلت دره بعد ما سلم عليها ادتها دره علبه شيكولاته
نجوي تعبتي نفسك ليه يا دره
دره تعب ايه بس يا نوجا دي حاجه بسيطه فين مها
نجوي لسه طالع شقتها من خمس دقايق قالت هتاخد دش وتعمل كام حاجه وتنزل استني هنتصلك عليها
دره لا خليها انا هنبقي نطلعلها انا بس جايه نقعد معاكي شويه 
نجوي تنوري قوليلي تشربي ايه قامت نجوي وقفت
مسكتها دره من ايدها قعدتها
تاني
دره اقعدي انا مش عايزه اي حاجه خليكي معايا
نجوي وده ينفع تغيبي كل ده ويوم ما تيجي متشربيش حاجه
دره صدقيني مش عايزه خليكي قاعده
قعدت نجوي جنبها وهي مبتسمه وفرحانه بوجودها 
دره البيت زي ما هو مفيش حاجه متغيره
نجوي بهدوء كل حاجه زي ما هي حتي اوض العيال مغيرنهاش المهم طمنيني عليكي يا بنتي عامله ايه
دره زي ما انتي شايفه يا نوجا غبت قد ما غبت في النهايه رجعت تاني
نجوي الطير ما يقدرش يبعد عن العش يا دره
دره يمكن كلامك صح بس حتي لو رجع مبيرجعش زي ما كان يا نوجا جناحه بيتكسر 
نجوي بعد الشړ عنك يا بنتي وبعدين حصل ايه ما انتي زي الفل وربنا رزقك ببنات زي القمر ربنا يحميهم
دره سامحتيني يا نوجا ولا لسه زعلانه مني
ابتسمت نجوي بحب ومسكت ايدها
نجوي ومين قال اني عمري زعلت منك طب هتصدقيني لو قولتلك اني كان نفسي تكلميني حتي لو مكالمه واحده بس طول فتره غربتك
دره خۏفت يا نوجا خۏفت تعملي زي امي ومترديش عليا خۏفت ترفضي وخۏفت كمان تردي ونسمع منك كلام يوجعني او نحس بنبره صوتك انك زعلانه في النهايه اللي اتوجع ده كان ابنك
نجوي عمري ما كنت هنعمل كده يا دره يابت انا عمري ما زعلت منك انا زعلت صحيح علي ابني بس كمان زعلت عشانك خصوصا لما عرفت من بكر ان امك وابوكي وعبدالله محدش فيهم بيكلمك كنت عارفه انك ملكيش ذنب في كل ده بس كمان مقدرتش نطلب رقمك من دعاء خۏفت علي زعل كرم مش هنكدبوا عليكي بس قلبي كان معاكي يا دره
دره كان ڠصب عني يا نوجا والله العظيم كمان يمكن كل اللي حصلي ده ذنب كرك محدش عارف
نجوي لا يابنتي متقوليش كده كان هيبقي ذنب كرم لو كنتي حبتيه وبعدين خليتي بيه بس انتي من البدايه قلبك مكانش معاه اللي حصلك ده نصيب يا دره وسواء كرم كان موجود او لأ كنتي هتعشيه محدش بيشيل ذنب حد يا بنتي ده ربك عادل ومبيرضاش بالظلم
دره امال اللي حصلي ده حصلي ليه
نجوي نصيبك ولازم هتشوفيه ومها كان اللي حصل ده وجعك وچرحك بس اكيد في خير ليكي ويمكن كان ممكن يحصل حاجه اوحش من كده وربنا نجاكي منها مش بيقولوا قضاء اخف من قضاء احمدي ربك يا دره المهم ان انتي وبناتك بخير ورجعتي وسطنا من تاني وكمان رجعتي واحنا كلنا بخير محدش فينا راح ابوكي وامك ربنا يطول في عمرهم يمكن لو كنتي جيتي ولا قدر الله حد فيهم كان حاصله حاجه كنتي هتتوجعي اكتر وكنتي هتفضلي شايله ذنب بعدك عنهم وتلومي روحك كمان
دره عندك حق يمكن اكبر نعمه بحمد ربنا عليها ان محدش فيكم
جراله حاجه حقيقي كنت هفضل موجوعه العمر كله
نجوي يبقي تنسي وترمي وراء ضهرك وتحمدي ربك يروح راجل ويجي بداله الف ولو مجاش المهم انك بخير يا دره
دره بإبتسامه وحشني كلامك يا نوجا ووحشني قعدتي معاكي اوي
نجوي مش اكتر مني يا بنت قلبي 
خدتها نجوي وثواني وخرجت درهوبصتلها
دره هنطلعوا