رواية هدايه كاملة

لا.. مش هتفرق وصلنا
نزلت ومشيت..
تاني يوم دخلت الشركة الساعة تمانية بالظبط وهي بتنهج كالعادة.. بصت في الدور اللي فوق لقيته بيبصلها وهو حاطط ايده في جيوب بنطلونه بصلها لدقيقة ومشي و لقيت هي نسمة في وشها
انت اية اللي جايبك بدري!
نعم!
اي دا انتي متعرفيش مستر يونس غير معاد حضورك وبقي تسعة 
تسعة! لية كدا!

مش عارفة هما تلت اشخاص مسموح حضورهم تسعة لظروف طارئة وانتي بقيتي الرابعة
اؤمات بتفهم.. دا رده علي كلام امبارح
برأيي تشكريه
معاك حق
ممكن ادخل
ادخلي
وقفت قدامه وهي بتفرك ايديها ببعض حركة هو عارفة بتعملها وهي محرجة
انا بشكر حضرتك علي القرار متعرفش هيفرق معايا قد اية انا..
مفيش داعي يامدام هداية
ا..
الباب خبط ودخلت واحدة حلوة اوي وشيك.. 
يونس حبيبي
وقربت منه تحضنه تحت انظار هداية وبعدها بعدت
مين دي
دي موظفة عندي اتفضلي دلوقتي يامدام هداية
طلعت من غير ما تصدر ولا صوت وهي حاسة انها مش بخير
نسمة هي مين اللي عند مستر يونس دي
مين
واحدة عيونها خضرا وشعرها بني و..
اها اها قولتيلي دي نادين الحرباية
مين يعني
قريبة مستر يونس من بعيد بش شبطانة فيه وطمعانة تبقي مراته
وهو
بيشوفها ازاي قصدك
اؤمات بنعم
زيها زي الهوا ولابيطيقها وهي ولا تطاق الحقيقة وبتتلون زي الحرباية قدامه ملاك ومن وراه ياباااي
ملحقتش تكمل ودخلت نادين
انتي
وشاورت عليها نعم
اعمليلي قهوة
اتدخلت نسمة بس دا مش شغلها 
وانتي مالك انتي انا بطلب منها هي
حاضر
هداية!
بصتلها بمعني اهدي ووقفت ابقي هاتيهالي علي مكتب يونس
ومشيت بدلع قدامهم لو حد يسيبني عليها هطبق في زمارة رقبتها
قالتها نسمة بكيد.. وضحكت هداية بغلب
خبطت ودخلت
القهوة يافندم
انا مطلبتش قهوة وبعدين انتي مش شغلتك القهوة
انا اللي طلبت ياحبيبي هاتيها هنا يااسمك اية
قربت منها واعطتهالها بالغلط ايدها فلتت واتكبت علي نادين وقفت نادين تزعق انتي متخلفة وعمية وغبية اطردها يايونس
انا اسفة والله ما اخدتش بالي
انتي كمان هتردي بقولك اطردها يايونس
اهدي يانادين وبطلي حزق لاني مش هنفذ كلامك اصلا الغلط غلطك لانك طلبتي منها تعملك من الاول هداية هنا مهندسة مش ساعي شاي يعني انتي اللي هتعتذريلها
انت.. انت بتقول اية 
اللي عندي قولته وهيتنفذ
بصتله بعصبية و مش لازم يافندم تعتذر
لا هتعتذر ولا اية يانادين
بصتلهم بعصبية اسفة 
ومشيت..
وانتي تعاليلي هنا
قالها وهو بيروح ناحيتها بأندفاع رجعت خطوة لورا پخوف استغربه!
انا اسفة والله مش قصدي اكبه عليها.. انا
اشش اهدي ياهداية
خرجت منها الكلمة بتلقائية يعني انت مش هتضربني
اضربك!
استوعبت اللي قالته قصدي مش هتتعصب علشان حبيبتك وكدا
برر بسرعة اولا هي مش حبيبتي ثانيا انا لو هتعصب فهتعصب منك لانك نفذتي كلامها من غير اعتراض
انا بس مكنتش عايزة..