رواية اختبار القدر جميع الفصول كاملة

: كده ارتحتى يا حوريه 

هتف بها والدها عند نزولهم من مكتب المأذون بينما هى تنظر امامها بصمت وجمود لتفوق على نبره سيف المناديه لها: خلاص يا حوريه كده القصه انتهت 

استدرات وهى تنظر له بصمت تتامل ملامحه لاخر مره تلك الملامح التى كانت تعشقها الان اصبحت اخر ملامح تريد رؤيتها اصبحت تلك الملامح تجعلها مشمئذه طول حياتها 

والان يأتى ويعاتبها ألم يكفيه طوال تلك الشهرين وهو يعيش دور الضحيه ويمثله تمثيل ولا أروع وكانه الزوج المخلص الذى يريد الحفاظ على حياتهم الزوجيه 

فاقت على صوته الهادئ: هشوف ابنى كل قد اي 

نظرت اليه بسخريه: حتى محاولتش تتمسك بابنك 

هتف بتوتر: علشان هو لسه صغير واكيد محتاجك اكتر منى 

نظرت الى شهد الواقفه ثم اليه وهتفت بسخريه: معاك حق ابنى انا الى ملزومه بيه ربنا يباركلك فى الى هتبقا مراتك

لتنظر اليهم باحتقار وتستدير الى والدها: هتمشى شويه يا بابا وهحصلك على البيت 

ليهز والدها راسه بهدوؤ وهو يتابع سيرها بشرود نعم عندما وجد تصميمها على الطلاق بدون ان تعرض عليه اي اسباب مقنعه فقد اكتفت بالجلوس فى غرقتها مع طفلها ولا التحدث حتى مع شقيقتها، ليتنهد بحزن وهو ينظر الى سيف: ربنا يعوض عليك يبنى ويرزقك بالزوجه الصالحه 

هز سيف راسه بهدوؤ وغادر محمود من امامهم لتنظر شهد الى سيف بفرحه: مبروك يا سيفو 

نظر حوله بتوتر: ابوكى مستنيكى روحى وهنبقا نتكلم بليل 

ابتسمت بهدوؤ: ماشى يا حبيبى مع السلامه.. 

نظرت امامها بشرود وهى تجلس امام النيل ثوانى وبدات الدموع تتجمع بعيونها لتتحول الى شهقات وبكاء حاد ليتحول الى صراخ يؤلم القلب وهى تهز راسها تحاول نفض تلك الكلمات والمشاهد التى راتها حوالى شهرين تلك المشاهد تحرق قلبها زوجها واختها سويا تلك ابشع كوابيسها لا تستطيع تقبل الحقيقه لا تستطيع استيعاب ان زوجها تركها من اجل اختها لا تتحمل تلك الفكره ضاعت سنين حبها هباءً ضاعت تضحيتها بكل شئ من اجله ضاعت نظرت الى جسدها الذى فقد كل وزنه طول الشهرين وهى تهتف بسخريه ودموع: مستحملش جسمى لما زاد بس من اول شهرين تلاته رااح اترمى على اى لحمه ظهرت قدامه وللأسف اللحمه طلعت اختى واقرب واحده ليا 

لتشهق مره اخرى بدموع وهى لا تستوعب اى شئ قاطعها يد رقيقه صغيره على كتفها لترفع عيونها الحمراء من البكاء لتجد طفله صغيره تنظر اليه بحزن: متعيطيش يا طنط انتى كمان 

لتبدأ الدموع تتجمع بعيون الطفله هى الاخرى، لتمسح حوريه دموعها برفق وتنظر الى الصغيره بخفوت: خلاص انا مش هعيط متعيطيش انتى كمان بقا 

هزت الصغيره راسها بدموع وهى مازالت تبكى بلا توقف 

لتهدأها حوريه بقلق وهى تاخذها بين احضانها برفق: بس يا قمر بقا العيون الزرقاء دى تعيط كده هيبقا لونهم وحش 

توقفت الطفله عن البكاء وتنظر لحوريه بتساؤل خافت: يعنى عنيا ممكن تختفى لو عيطت يا طنط 

هزت حوريه راسه بتاكيد وكانها تتحدث فتاه ناضجه عن معلومه علميه جاده: طبعا شوفتى عيونى الخضرا دى بابا زمان قالى لو عيطى هيقعوا ويجى بدالهم اسود 

هتفت الصغيره بانبهار: يااه لالا خلاص انا مش هعيط انا بحب عيونى انا واختى اوى 

ابتسمت حوريه بهدوؤ على تلك الطفله التى نزعتها من حزنها، لتهتف: اومال فين مامتك يا صغنن انتى لوحدك 

نظرت لها الصغيره بدموع: روحنا مع مامى النادى بس هى زعقت ليا علشان وقعت العصير على شنطه صاحبتها فهما الاتنين زعقولى اوى قالتلى اروح البيت بس انا طلعت ومشيت ولقيت نفسى هنا مش عارفه 

لتبدأ الدموع بالتحمع بمقلتيها بحزن: انا عايزه بابى واختى وحشونى اوى