رواية اختبار القدر جميع الفصول كاملة

نظر والد حوريه اليه بحيره لا يعلم ماذا يفعل، لتهتف حوريه بهدوؤ: متقلقش يا بابا عليا ولو حصل او حسيت باى حاجه غلط هاخد ابنى واجى متخافش 

تنهد والدها بهدوؤ: تمام يا حوريه تمام يا استاذ قاسم هشوف وهرد عليك 

ابتسم قاسم بهدوؤ: فى انتظار حضرتك 

لينظر الى حوريه بتردد: اختك حددت معاد كتب كتابها يا حوريه 

حزن: لو مش هتقدرى بلاش يا حوريه وهما هيفهموا كده 

نظرت امامها بضياع فعلا ستكون تلك اللحظه قاسيه عليها هى تحاول منذ فتره الابتعاد عنهم وعن اخبارهم حتى انها فعلت خاصيه عدم رؤيه استوريهات شقيقتها التى تقوم بتنزل صورها مع سيف مصاحبه كلمات الحب والغزل تحاول استجماع نفسيتها التى تاذت لكن اذا حضرت غدا ستضيع كل محاولاتها أرضا كادت. ان تهم وتعترض بالفعل ولكن قاطعها قاسم ذالك الذى كان يجلس يراقب ملامحها وشعر انها ستهم بالفعل وترفض الحضور ليسرعها هو بهدوؤ الى والدها: ان شاء الله يعنى هاجى واجيب البنات ونجيب مدام حوريه معانا ان شاء الله لو مش هنعملكم ازعاج يعنى 

ابتسم والدها بترحيب: تنورنا انت وبناتك يبنى خلاص هستناكم بكره ان شاء الله 

ليقوم بتوديعهم والمغادره تحت شرود وصمت حوريه، ليتجه اليها بعد مغادره والدها: مكنتيش عايزه تروحى لي 

نظرت اليه بهدوؤ: انت لي عايزنى اروح انا مكنتش عايزه اشوفهم 

ليربع يده امام صدره بهدوؤ: بالعكس دا وقته المناسب للانتقام 

عقدت حاجبيها بسخريه: هنتقم من اختى وابو ابنى 

ليبتسم بسخريه: مهى خانت اختها وهو خان مراته مش كده

تنهدت بألم وضيق: مش هروح يا قاسم انا مش عايزه اهدم نفسيتى تانى انا مصدقت تجاوزت شويه 

كاد ان يرد عليها ولكن قاطعهم دلوف يمنى بدلع: وااو الزوجين الجداد موجودين هنا منورين والله 

تنهد حوريه بصمت ولم ترد عليها لينظر اليها قاسم ببرود: كنتى فين يا هانم 

نظرت الى اظافرها بملل: كنت بعمل ضوافرى علشان عندى سهره كمان ساعه وخدت تيته تزور صاحبتها فى طريقى زمانها جايه 

هتفت حوريه بهدوؤ: عن اذنكم انا طالعه 

قاطعتها يمنى فى طريقها بسخريه: متقعدى معايا يا عروسه شويه دا انا متعرفتش عليكى كويس حتى 

نظرت لها حوريه بضيق: معلش وقت تانى مشغوله 

لتبتسم يمنى بخبث: ويا ترى بقا مشغوله بايي بتحضرى الدوا لقاسم علشان مرضه 

ليصرخ بها قاسم بعنف: يمناااااى 

نظرت حوريه الى قاسم باستغراب من حديثها وكلام يمنى الشديد، لتهتف يمنى بخبث: اي يا قاسم هى مراتك متعرفش بمرضك ولا اي مش لازم تعرف بدل ماتدبس بنات الناس معاك كده