رواية زواج مع ايقاف التنفيذ كاملة جميع الفصول
قولتلها صدقيني والله ماكدبت عليكي هو اخويا وبس
قالتلي وانتي حبيبته وبس بجد منك لله
وسابتني ومشيت
كنت مصدومه صدمت عمري انا فعلا مظلومه
وهو اخويا وبس
ازاي اتخلي عن حب عمره وهي فكرني ان انا اللي سرقته منها جرحتني بكلامها بس كنت متلخبطه بس مكنش قدامي غير ان اتكلم معاه
واستنيته لما جه
وزي كل يوم دخل ومكلمنيش اتشجعت ودخلتله
قولتله هو انت ليه بقيت كدا
قالي كدا ازاي؟
قولتله هو احنا موش اخوات
لقيته اتعصب عليا وبقي حد تاني خالص قالي احنا موش اخوات انتي مراتي وانا بحبك وعمري ماكنت اتصور ان احبك انا معرفش ازاي
قولتله ازاي انا مرات اخوك انت كدا خا0ين
لقيته اتعصب عليا وقالي انا موش خاين اخويا م١ت واحنا بقينا امر واقع ليه عايشه ع الماضي حرام عليكي ليه بتعذبني انا عمري مااذيتك وقعد يبكي حسيت لاول مره ف حياتي احساس غريب حسيته ان هو هز قلبي اوي عمري ماحسيت الاحساس ده محستوش ان هو اخو جوزي
وكان قلبي وجعني عليه موش عشان حسيت بضعفه
بس حسيت بيه لقتني بقوله طب اهدي عشان خاطري انا اسفه انا مكنتش قصدي
قالي صدقني انا موش خاين بس انتي حقي ممكن جوازنا كانت بدايته غلط بس ليه تبقي نهايه ماساه انا عايزك وعايز اكمل معاكو بقيت حياتي انتو بقيتو املي ف الدنيا بلاش تبقي قاسيه عليا
قولتله وناهد انت كدا ظلمتها ذنبها ايه
قالي لو اتجوزتها يبقي فعلا ظلمتها
سيبته وقومت دخلت الاوضه التانية
بس معرفش ليه كنت حاسه احساس غريب
وهو انا ليه مبقتش بحسو اخويا اخو جوزي
اليوم ده معرفتش انام من كتر تفكيري فيه
فكرت ف كلامه فكرت ف ناهد فكرت ف بنتي
فكرت احنا بقينا امر واقع
الصبح لقيته خرج زي كل يوم بدون اي كلام
بقيت طريقته دي تتعبني
واليوم ده اتاخر اوي معرفش ليه قلبي وجعني عليه مره واحده وبعدها لقيت الباب بيخبط جامد قلبي وقف قومت اري لقيت حمايا منهار وبيقولي الحقي جوزك يابنتي ماله!!!
