رواية "في الخامسه وربع صباحآً" جميع الفصول كاملة

_اه اتفضلي وهو هيتحجز في المستشفى ٣٧ يوم تقدري ال٣٧ يوم تكوني موجوده مش ممنوع الزياره ولا حاجه

_تمام

قولتها ودخلت سامعه صوت جهاز نبضات القلب شايفاه نايم على السرير في إيده كانولا وفيه ف صدره سلوك كتير مش حاسس ب حاجه غايب عن الوعي

بلا إدراك لقيتني بمسك إيده وبقول:

_لو كنت بس سمعتك للأخر ووافقت اننا نرجع واني اساعدك مكنش كل ده حصل!

عيطت جامد انا اه مش فاهمه هو عنده اي بس شكله بيقول ان حالته صعبه

رنيت على ماما عرفتها اللي حصل ورنيت على سلمى عرفتها اللي حصل وعشان تفهمني كلام الدكتور

وكان ردها واضح وصريح وقالت زاي الدكتور تمامآ يوسف مش هيتحرك تاني وقتها أدركت وفهمت كلام الدكتور دخلت الحمام وساعه متوصله من العياط واحساسي ب الذنب

غسلت وشي وخرجت كانت ماما وسلمى جم

اترميت ف حضن ماما ونا بقولها:

_خسر شغله وخسرني وخسر اهله ودراسته ولما جيه عشان يكسب كل دول تاني انا خسرته نفسه يا ماما انا السبب!

_اهدي يا روز ده شيء مقدر ومكتوب والوقت اتأخر لازم نمشي

بعدت عن حضنها ونا بقول:

_لاء مش همشي

بصتلي بأستغراب وقالت:

_وهتفضلي معاه في المستشفى ب صفتك اي؟

كنت لسه هرد بس خرجت الممرضه وهي بتقول:

_المريض فاق لو حابين تشوفه

سيبت ماما وسلمى ودخلت اشوفه حاول يقعد بس مقدرش كان بيتوجع جامد

جريت عليه حطيت مخده ورا ضهره وقولت:

_متتحركش عشان متتعبش اكتر

بصلي وقال:

_هو حصل اي يا روز؟

_عملت حادثه ومكنش فيه على موبايلك غير رقمي ورنو عليا وجيت!

_واي حصلي؟

اتكلمت بتردد ونا بقول:

_شويه كسور كدا وفتره وهتخف

دخلت سلمى وماما يطمنو عليه ماما كان قلبها لسه شايل من يوسف فا مكنتش عاطفيه معاه وفي نص الكلام قالت:

_لازم يا يوسف تكلم اهلك يكونو جنبك عشان هتطول في المستشفى وروز مش هينفع تكون معاك الفتره دي كلها

بصيت ليها وقولت:

_ماما!!

قطعني هو وقال:

_كلام مامتك صح يا روز شكرآ على وقفتكم جنبي تقدرو تمشوا الوقت اتأخر وكلكم حريم ومش هينفع تتأخروا اكتر من كدا أو تروحو متأخر عن كدا ومفيش معاكم راجل

ماما مردتش اكتفت ب ابتسامه ليه وشدت إيدي انا وسلمى وخرجنا مشينا شويه ولسه هنركب الاسانسير قولت:

_انا نسيت شنطتي هروح اجيها واجي