رواية عشقت فاطمة بقلم سولييه نصار
مر يومين كمان ولقيت خالتي بتقول فجأة وهما قاعدين علي العشا وانا واخدة عشايا في الاوضة عشان أكل:
-صحيح يا حسن ام كارم كلمتني واعتذرت علي اللي عمله ابنها مع فاطمة..وقالت إنها ابنها عايز فاطمة ومصمم عليها …
جسمي اترعش ووقفت علي باب الاوضة لقيت بابا بيقول:
-الموضوع ده انتهي خلاص يا مروة متتكلميش فيه تاني …
-يا حسن بس اسمعني فاطمة كبرت في السن ودي فرصة حلوة ليها و…
-مروة خلاص اقفلي الموضوع لو سمحتي..
قالها بابا بصوت حاسم فسكتت علطول..
…..
بعد ساعة..
كان حسام قاعد مع مروة بيشرب الشاي لما قال من غير مقدمات:
-ماما انا قررت اتجوز …
-ياااه اخيرا نويت تفرحني يا حسام يا حبيبي ده انا بتمني اليوم ده ونفسي اشوف عيالك قبل ما امو.ت..مين سعيدة الحظ
-فاطمة بنت خالتي !!!
-نعم!!!
صرخت مروة وبعدين حست الدنيا بتلف بيها واغمي عليها..
يتبع…
-امي …امي فوقي..
قالها حسام وهو بيرش مايه علي أمه اللي أغمي عليها…طلعت أنا فجأة من الاوضة واتصدمت وانا لاقية خالتي علي الأرض وحسام بيفوق فيها …
قولتها بر.عب وانا بقرب منه …كنت فعلا خايفة عليها..
-متقلقيش هتبقي كويسة …ضغطها اكيد وطي بس …
رش عليها مايه تاني لحد ما فاقت بتعب…بعدين بصتلي برعب وهي بتقول:
-روحي..روحي من وشي روحي …
-انا …
-انتي تخر سي خالص وتمشي من قدامي..انتي فاهمة …يالا غو.ري من هنا …يالا …..
-ماما كفاية !!!
قالها حسام بغضب بعدين قالي بلطف:
هزيت راسي وقومت بسرعة وروحت علي اوضتي وقفلت الباب وروحت علي السرير وبعدين انفـ جرت في العياط …مكنتش مصدقة أنها بتكر.هني بالطريقة دي …يا تري أنا عملتلها ايه عشان تكر.هني بالشكل ده !!!!!
