اسكربيت حماتي خربت حياتي بقلم شهد محمد سوسي

تقولي لاء دي بتاخد ومبتتكلمش وأنا بكتشف بعدين والنهاردة صحيت علي خبط لقيتها هي في المطبخ بتاخد فراخ من الفريزر ولما بقولها كنت قولتيلي وأنا نزلتلم إللي عايزاه راحت بصتلي بقرف وقالتلي حاولت أقلد طريقتها وصوتها هو لازم أخد الإذن من ست لحسن والجمال عشان أخد حاجة من ثلاجة إبني جايبها بفلوسه دمي فار بجد من اسلوبها وعشان متخانقش معاها مشيت بمبدأ إبعد عن الشړ وغنيله وسيبتها ودخلت الاوضة راحت إستلمت يوسف أول ما جه مراتك سابتين وأنا بكلمها ومعرفش إي وهو طلع يزعق من غير ما يفهم!! للأمانة مزعقش بس كان متعصب عليا بس قوليلي يا رحمة أنا كدة غلطانة بطلب حاجة مش من حقي مثلا طب هل ماما بتعمل معاكي كدة 

بصتلي بحزن إتكلمت للأمانة مامتك مبتعملش معايا كدة و لو محتاجة حاجة بترن عليا أصلا مش بتطلعلي وخصوصا لو عماد هنا ولو طلعت بتخبط عليا الأول وبترن الجرس ومبتفتحش الباب أصلا غير لو سمعت صوتي وأنا بقولها إدخلي بمفتاحك يا ماما انا في الحمام أو إيدي مش فاضية إني أفتح 
كملت بحزنأهو يعني أنا صح ومن غير ما تقوليلي أنا عارفة إنه ماما هتعمل كدة لإنها هي إللي عاودتني علي كدة وعلمتني إنه نحترم الخصوصية بتاعه غيرنا إتنهدت وكملت بحزن أنا حاولت استحمل عشان يوسف عشان عارفة إنه بيحبني وأنا كمان بحبه والله وللأمانة أنا مشوفتش منه أي حاجة وحشة بيعاملني بإحترام وحب بس دول مش كفاية بالنسبالي يا رحمة أنا عاوزاه يدافع عني وأنا مظلومة حتي لو قدام مامته طالما أنا مش غلطانة يدافع عني يا ستي ميغلطهاش قدامي بس يكملها ويفهمها غلطها بس عارفة مش هنكر إنه حاول وكانت النتيجة إنها قالتله إنت هتقف مع مراتك عليا!! د أنا ربيتك وكبرتك دي أخرتها روح قلبي ڠضبان عليك فاضطر إنه يرجع في كل شئ عشان ربنا ميزعلش منه طب وأنا فين يا رحمة أنا بجد تايهه ومش عارفة أعمل إي أنا فكرت أطلق بجد وأريحها بس كل ما بفكر كدة بيجي في وشي صورة يوسف وحبه أنا بجد مش عارفة أعمل إي
رحمة خدتني في حضنها من غير أي كلام وأنا أطلقت العنان لعنيا إنها تبكي وتعبر عن كل إللي جوايا
أنا نفسي أفهم ليه بعض الحموات بتبقي مستكتره عيالها علي جوازتهم أو مراتت عيالها إي إللي هيجري لو عاملتي مرات إبنك كويس وإحترمتيها كأنها بنتك مش هيجري حاجة والله غير كل خير هتشيلك فوق رأسها كأنك أمها بالضبط بل يمكن اكتر لأنك أم جوزها يعني رضاكي من رضاه وحياة إبنك هتكون زي الفل والله مع مراته ومعاكي والحياة هتبقي ماشية زي السکينة في الحلاوة ليه بنحب نصعب الأمور علي نفسنا! ليييه
كنت قاعدة صاحية بحاول اعمل شوية تعديلات في البرنامج إللي عملته عشان اسلمه للشركة ولقيت تليفوني بيرن
إتنهدت لما شوفت الإسم كان هو السلام عليكم ورحمة الله وبركاتة
وصلني صوته المرهق وعليكم السلام ورحمة الله وبركاتة صحيتك
قفلت اللاب وكملت بقلق لاء أبدا كنت صاحية بعمل شغل مال صوتك فيك إي 
إتنهد وكمل بإرهاق مفي....
قاطعته بقلق وحده متقوليش مفيش أنا مش لسة عارفاك إمبارح يا يوسف أنا عارفة صوتك كويس مالك
إتنهدأنا تحت بيتك
إستغربت وقومت بسرعة علي البلكونة وأنا بكلمه وإي إللي موقفك تحت إطلع طيب
بصيت عليه كان شكله مرهق وباين عليه التعب حقيقي قلبي وجعني علي منظره
أنا مبحبش أشوفه تعبان
بإرهاقلاء خلاص أنا