حب مشروع
حب مشروع
رأيك ايه في هديتي بس بأمانه لو عجبتك تقولي ولو معجبتكش برضه تقولي اتفقنا امانه
ايمن امانه يا عم سعيد حاضر ومتشكر مقدما
عم سعيد لا متشكرنيش اشكرني بعد ما تشوفها ده لو عجبتك
اخو عم سعيد ربنا يعينك علي ما ابتلاك يا ابني دي حبيبه دي بالذات جننت الكل!!! الله معك
عم حبيبه كان يقصد ان حبيبه ليها ارائها الخاصه وما بتسمعش الكلام بسهوله وصعب حد يغير رايها وعنيده جدا لكن ايمن فهمها انه يعينه علي ظروفها ويصبره
ايمن طلع ياخد عروسته اللي لبست نقابها فوق فستان فرحها
امها سلمتهاله في ايده ودمعتها نزلت
زينب دي اول مره بنتي تبعد عن حضڼي وتروح بيت تاني... طول عمرها متهننه في بيت ابوها ارجوك خلي بالك منها وخليك ديما حنين معاها ارجوك يا ابني
ايمن ما تخافيش عليها انا هعمل كل اللي ربنا يقدرني عليه علشان اسعدها وبعدين انتي قريبه منها وفي اي وقت تحبي تشوفيها تليفون صغير منك
ايمن ماسك حبيبه من دراعها ونازل بيها واحده واحده واخواتها حواليها بيساعدوها وهيا الفرحه مش سايعاها ركبها العربيه وركب امه كمان وركب جنب مراته
عم سعيد لمراته شوفتي قبل كده كام عريس بيركب امه ويفتكرها يوم فرحه
عم سعيد بيحبها ويحترمها وده معناه انه هيحترم مراته برضه فهماني
زينب طيب افرضنا معجبتوش او زعل مثلا انك ضحكت عليه او
قاطعها في حد يزعل انه مراته مطلعتش عاميه ولا خرسه ولا طرشه ده الفرحه هتلجمه ومش هتخليه يعرف يتكلم وهتقولي سعيد قال
زينب ربنا يعدي الليله علي خير
وډخلها اوضته قعدها علي السرير وخرج
ايمن ماما يا ماما
فاطمه ايه يا حبيبي مالك
ايمن ايه مالي دي هو انتي هتبيعيني من اولها ولا ايه
ايمن انتي بتبيعيني ماشي يا امي ماشي
فاطمه انت بتهددني يا وله انت.. ادخل يا واد لمراتك يالا ادخل
ايمن مسك تليفونه وكلم ابوها
ايمن ايوه يا عم سعيد انا ايمن
عم سعيد هديتي عجبتك
ايمن لا لا لسه ما اخدتش هدايا انا مش عارف اصلا اعمل ايه يعني كان حد من اخواتها جه معاها اول يوم حتي يعنيوبعدين انا افهمها ازاي او! انا مش عارف اتصرف
عم سعيد هيا فين بنتي دلوقتي
نكمل بكره
توقعاتكم
ايمن هيعمل ايه
حبيبه هتعمل ايه
الحلقة_الثالثة
مستغرب ان الجمال ده يكون اعمي او اخرس او اطرش
قرب منها ورفع وشها لفوق علشان يشوف ملامحها كويس
ايمن تبارك الخلاق فيما خلق... ربنا ابدع في جمالك
عنيهم اتعلقوا ببعض في نظره طويله وايمن مستغرب وبيسأل نفسه هيا بصاله ولا هو متهيأله
حبيبه يعني انت شايفني جميله
حبيبه اول ما نطقت ايمن اتنفض ورجع لورا بذهول
ايمن انتي!!! انتي شايفاني انتي بتتكلمي انتي اصلا سمعاني. ازاي ابوكي ابوكي قالي انك!!!! انك عاميه وانك خرسه وانك طرشه انتي بجد ولا انا اصلا بحلم انا صاحي ولا نمت وبيتهيألي ايه اللي بيحصل
ايمن مش مصدق نفسه ومش مجمع نهائي ومش لاقي جمله واحده مفيده يقولها
حبيبه قربت منه ومسكت ايديه الاتنين
حبيبه اهدي... اهدي...
ايمن ابوكي
حبيبه ماله ابويا
ايمن طيب ليه يعني مش فاهم طب كان ممكن ارفض يعني لو كنت شفتك مكنتش
حبيبه مكنتش هتتردد هو انت متخيل ان بابا طلب منك تتجورني علشان انا مثلا مش لاقيه عرسان
ايمن بصي ما تسألنيش اي اسئله انا حاليا عقلي عاجز تماما عن التفكير او انه يجمع
حبيبه مش هسألك خلاص... بس حاليا بابا مستني منك تليفون تقوله رأيك ايه في هديته ليك
وهيا بتقول كلمه هديه مسكت فستانها وكأنها بتقول ان هيا الهديه
ايمن ابتسم وسكت شويه.. وبص حواليه يدور علي تليفونه لحد ما شافه
جابه ومسكه وعينه متعلقه بعنين حبيبه
ايمن ايوه يا عم سعيد..... لعلمك هديتك ما عجبتنيش.... ما عجبتنيش نهائي
حبيبه بتبصله باستغراب ودهشه ودمعه لمعت في عنيها وبتهدد انها تنزل
حبيبه معرفتش تقول ايه بتبص حواليها ولقت الاسدال اللي كانت لبساه مسكته وهتلبسه
ايمن ممكن اعرف بتعملي ايه
حبيبه بصوت مرعوش بېهدد بالعياط بجهز لان اكيد بابا زمانه جاي ياخدني
ايمن ياخدك فين هو انتي مش مراتي
حبيبه طالما مش عجباك يبقي هفضل هنا ليه همشي وانت ترجعلك حريتك
ايمن هو حد قالك ان انا بقيت ملككم اتجوز طلق ايه الحكايه ماليش اي رأي نهائي
حبيبه احنا مش عايزين نفرض عليك مش اكتر
ايمن ياه بجد ده انتي ابوكي ذلني وبعدها تقوليلي مش عايزين نفرض عليك
حبيبه عيطت شوف ايه اللي يناسبك واعمله
هنا ايمن مقدرش يستحمل اكتر من كده وقرب منها ومسح دموعها ولهجته اتغيرت تماما
ايمن بس بس بس ارجوكي ما تعيطيش ارجوكي شششش بس... ما تعيطيش انا اسف
حبيبه بتبصله مستغربه
ايمن كنت بهزر معاكي بس اهدي... يعني انتو لعبتو باعصابي اكتر من شهر وعيشتوني في حيره وكآبه مستكتره عليا العب باعصابك تلات دقايق
حبيبه انا مش فاهمه حاجه
ايمن تخيلي تلات دقايق مش فاهمه حاجه وعيطتي كده امال لو ربنا رزقك بواحد زي ابوكي معندوش قلب سابك شهر وعشر ايام مش فاهمه اي حاجه كنتي عملتي ايه
حبيبه يعني انا دلوقتي عجبتك ولا مش عجبتك وعايزني امشي ولا لأ فهمني
ايمن هو انتي متخيله ان ممكن يكون في راجل عاقل سليم ما تعجبيهوش انتي عبيطه
حبيبه انا ماليش دعوه باي راجل انا ليا دعوه بيك انت.... انا عجبتك
ايمن تصدقي لو قلتلك اني حلمت بيكي
حبيبه حلمت بيا امتي
ايمن بعد ما ابوكي قالي اتجوزك عملت استخاره وحلمت بيكي ومع اني افتكرتك واحده من الحور العين بس انتي اجمل مليون مره
حبيبه ضحكت بصوتها
ايمن وضحكتيلي نفس الضحكه دي
حبيبه وايه كمان
ايمن كنت قاعده جنب بركه مياه صغيره وحواليكي ورد كتير وشعرك طويل واصل للارض وضحكتيلي وقدمتيلي هديه
حبيبه وكانت ايه الهديه
ايمن لا مش بجد قدمتيلي ورده كبيره ولما فتحتيها لقيت فيها بنوته صغيره بيبي كده وكانت اجمل شيئ شوفته في حياتي
حبيبه ابتسمت اجمل مني
ايمن كانت في جمالك بس ضيفي عليها حلاوه الاطفال وجمالهم
حبيبه وعلشان كده وافقت تتجوزني
ايمن لا ده انتي قولتيلي جمله جننتني... علشان ابقي ملكك لازم تخطي الڼار الاول
حبيبه وجننتك ليه
ايمن معني البنت الجميله الصغيره في الحلم دنيا حلوه فمعرفتش هو انا لازم اتجوز العاميه علشان اوصل للجميله وبكده ابقي عديت الڼار ولا الشيطان بيوسوسلي بدنيا جميله لما ارفض العاميه والبس انا بقي في الڼار
حبيبه وايه اللي خلاك توافق
ايمن قررت اعمل الصح حتي لو علي حساب دنيتي
حبيبه كويس انك عملت الصح
ايمن اه صح شعرك في حلمي كان طويل
حبيبه انت بتحب ايه
ايمن تاج المراه شعرها فبحب الطويل بس اعتقد في حالتك انتي مش هيفرق كتير طويل او قصير
حبيبه سابت ايده وفكت شعرها وفردته واتفاجئ ايمن بشعرها الطويل الناعم
ايمن يعني مش هتفاجئ تاني... اعتقد بعد النهارده مفيش اي شيئ في الدنيا ممكن يفاجئني
حبيبه ايه ده بابا نسيته زمانه هيتجنن
ايمن امي ثواني نسيتها
فتح باب اوضته وفضل ينادي علي امه
ايمن يا ماما يا فاطمه يا بطه تعالي
فاطمه خرجت وبعدين في ليلتك دي قولتلك تعامل معاها وما تناديش عليا كل شويه عايزه انام
ايمن هيا دي الامهات تبيع وش كده المهم تعالي عندي ليكي مفاجاة
ايمن اخدها وډخلها لمراته
فاطمه خساره يا ايمن تبقي بالحلاوه دي وتبقي عاميه ي
حبيبتي... ياللا اهوه ما تزهقش كل ما تبصلها
ايمن حبيبه مش عاميه يا امي
فاطمه خرسه بس وطرشه
ايمن ولا خرسه ولا طرشه ابوها بيهزر بس هزار بوابين حبتين
فاطمه بجد طيب قولي حاجه كده
حبيبه حاجه
ايمن شوفتي بنت ابوها اهي في هزارها
حبيبه ضحكت انا اسفه... اسفه يا ست الكل
قربت وباست حماتها اللي الفرحه مكنتش سايعاها
فاطمه كنت عارفه وواثقه في حكم ربنا... كان قلبي مطمن علي ابني ربنا يسعدكم ويهنيكم ويرزقكم بالفرحه ديما ويرزقكم ذريه صالحه
ايمن وحبيبه اللهم امين
فاطمه بصي بقي يا حبيبتي انتي النهارده تنامي في حضڼي اصل ايمن من اول الليل كان عايزني اخدك فتعالي بقي نامي في حضڼي
شداها من ايدها وخارجه فايمن جري ومسك حبيبه واخدها من امه
ايمن ايه ايه دلوقتي احلوت!! من دقيقتين بس تعامل يا حبيبي نسيتي سيبيني بقي اتعامل وروحي نامي مش برضه كنتي عايزه تنامي تصبحي علي خير يا امي يالا قال تعالي في حضڼي قال طريقك ابيض يا اما
فاطمه علي اخر الزمن تقولي أما انا أما
ايمن اه أما.... يالا بقي سهرتي النهارده
فاطمه وزعني بقي طيب هنام هنا الليلادي وريني بقي هتطلعني ازاي! ابن امك طلعني
ايمن يا قمر انتي تنامي في الحته اللي تشاوري عليها
حبيبه يالا بينا نبات في اي فندق البسي يا قمر يالا
فاطمه لا وعلي ايه الطيب احسن يالا اعمل خير وارميه البحر تصبحوا علي خير
ايمن اعتبريني زي ابنك برضه
هيا خارجه وايمن وراها واول ما وصلت للباب بصت لابنها ودمعه لمعت في عنينها
فاطمه مبروك يا حبيبي ربنا يسعدك يارب
اخدته في حضنها وهو ضمھا قوي
ايمن بركه دعاكي يا ست الكل
حبيبه بتابعه وكل لحظه بتعشقه اكتر واكتر
امه خرجت وقفل الباب وبصلها وابتسم وهيا بصت للارض قرب منها ورفع راسها
ايمن مش عايزك تبصي للارض وتهربي من عنيا
حبيبه بصتله بس برضه مش عارفه تثبت عنيها في عنيه ومحرجه جدا
حبيبه عايزه اكلم بابا يا ايمن لو سمحت زمانه علي ڼار
ايمن ولو قلتلك لأ مش عايزك تكلميه وسيبيه علي ڼار
حبيبه هقولك حاضر بس ارجوك مش اول طلب تطلبه مني اكسر بخاطر ابويا وازعله... انت نفسك اول حاجه عملتها فرحت والدتك سيبني انا كمان افرحهم
