اسكريبت مشلۏلة كامل

اسكريبت كامل
مشلوله يا ماما عايزاني اتجوز مشلوله
اسمع بس
اسمع ايه عايزاني اتجوز مشلوله وتقوليلي اسمع
اسمع بس يا يوسف انت مش عارف الجوازه دي هتستفاد منها ازاي
استفاد ايه يا ماما هي تجاره دا جواز يعني مسؤوليه يعني استقرار يعني اسره كامله مبنيه عليها
بص يا يوسف انا قولت الي عندي وهتروح معايا يعني هتروح
ماشي يا ماما ربنا ييسر الحال

انا يوسف مهندس مدني شغال في شركه كويسه وحياتي الي حد ما كويسه عايش مع ماما واسراء اختي بعد بابا الله يرحمه هما عيلتي اسراء دي حياتي بحبها كأنها بنتي مش اختي وماما كمان علي الرغم من أن انا مضايق من الي عايزاني اعمله الا اني بحبها جدا
يا بني بقولك عايزاني اتجوز واحده مشلوله وتقوليلي اسمع
ايه يا يوسف من ايمته وانت بتتكلم كدا
انا عمري ما كنت كده يا عمر وانت عارف دا كويس انا بس مش عاجباني الفكره نفسها انا عمري ما فكرت اتجوز بالطريقه دي انا دائما كان نفسي اتجوز الي احبها الي قلبي يختارها ويقول هي دي
يا يوسف يا حبيبي اسمع انت مش هتخسر حاجه انت جرب امكن تطلع البنت كويسه وبعدين مش امكن البنت تطلع حلوه وانت بقا اول متشوفها تقع في حبها وتأسرك عينها وتنحلها وتتجوز وبكده يكون البطل وقع في حب البطله
systemcode ad autoads غور ياض انت بتجيب الحاجات دي منين
دي البت منه اختي من الروأيات الي بتقرأها كل شويه
طب غور بقا انت ومنه 
ماشي يا عم غاير اهو بس متبقاش تنساني
روح خلاص يا اسلام انا مش عايز اعرفك تاني اصلا
يا ماما يعني انتي لسا مصره علي المشوار دا
يا يوسف اسمع البنت دي كويسه جدا وكمان جميله جدا والأهم بقا أنها غنيه جدا ابوها ما عندوش غيرها وكان نفسه يجوزها حد غني جدا بس لحد ما في مره عملت حدثه وهي راجعه من الشغل وطبعا محدش من الأغنياء عايز يتجوزها وابوها نفسه يفرح بيها فقرر أن اي حد هيتدملها هيجوزها ليه وعلفكره هي دكتوره كمان
يا ماما وطب وانتي اصلا عرفك أنهم هيوافقو
وهما هيرفضو ليه انت مهندس وشغال في شركه محترمه وحياتك كويسه واحنا ظروفنا الحمد لله كويسه ويلا خلينا نلحق المعاد
اهلا وسهلا بحضراتكم شرفتونا 
اهلا بحضرتك 
احنا يشرفنا نطلب ايد بنت حضرتك الانسه جنه لابني البشمهندس يوسف
الشرف لينا يا مدام 
والبشمهندس يوسف شغال فين
حضرتك انا شغال في شركه .... ومرتاح فيها جدا 
systemcode ad autoadsطيب انشاء الله خير
اومال عروستنا فين
ثواني وهناديها لحضراتكم
اتفضل
الدكتور جنه بنتي
ماشاء الله الله اكبر قمر بنا يبارك فيكي يا بنتي
يوسف يا يوسف 
ها ايه يا ماما
ايه يا حبيبي الدكتوره جنه
اهلا وسهلا بيكي يا انسه جنه
فجأه لقيتها داخله علينا علي الكرسي كانت ملاك لا ملاك ايه دي كانت قمر بدر كانت هاديه وجميله كانت حلوه
يا زيدي يا زيدي
يا اخي دا انت عيل فصيل
كمل يا صحبي ولا يهمك
بس تعرف ياض يا عمر علي الرغم من كل دا عينيها كانت فيها نظره حزن مش مفهومه كان نفسي اقرب منها واسألها انتي حزينه ليه انتي جميله جميله بكل حاجه فيكي حتي وانتي كده جميله
انت حبيتها يا صحبي
ارتبكت حب حبيتها لا لا مش معقول انت بتقول ايه انا لحقت اشوفها اصلا 
انت ايه مسمعتش عن الحب من اول نظره ولا ايه
حب ايه يا بني ما فيش الكلام دا
لمعه عينك وابتسامتك وانت بتتكلم ولا لما بتقول اسمها بتقول أنه حب يا يوسف