رواية قصيره القامه طويله اللسان كاملة للكاتبة شيماء صبحي

دا وعرفه انه مش مارك ابن ألكسندر والراجل دا اتفاجئ من كلامه ومصدقوش في الأول ولحدما هادي اثبتلو فعلا انه مش مارك وانه مصري وان كل الحكايه تشابه بينه وبين مارك ابن الكسندر !! 
الزعيم دا طلب من واحد اسمه جون ودا دراعه اليمين في الشغل قاله انه يبحث عن الموضوع دا ويشوف لو كلام هادي صح ولا غلط ېقتلوه وطلب من رجالته ياخدو هادي للغرفه الخاصة بالټعذيب ولخدما يتأكدو من صحة كلامه هيسيوه 
وفي عربيه الظباط شادي كان متعصب من الي حصل وحاول الفريق يهديه ولاكنه كان متضايق لانه مقدرش ينقذ هادي والي يعتبر مالوش اي ذنب في المهمه واول ما وصلوا عند الهيلكوبتر الي هيروحوا بيها مصر رفض شادي انه يركب معاهم وقال انه لازم يروح ينقذ هادي بنفسه لانه ضحي بحياته علشانه هو وفريقه ولاكن تم التواصل مع اللواء حمدي وعرفوه باللي شادي عايز يعمله واتكلم اللواء حمدي مع شادي وطلب منه يرجع مصر وقاله انه هيبعت فريق غيرهم متخصص يدورو علي هادي ويرجعوه لمصر 
شادي سمع كلام اللواء حمدي لانه كان متضر لدا واتحركت الطائره من روسيا في طريق عودتها لمصر
في منطقة قمر
اما قمر مكنتش مركزه معاه ولا واخده بالها من مشاعره الي بسحاول يظهرها طول الوقت وكانت بتعتبرها اخوه!!
عليا كانت معديه من قدام الورشه واخدت بالها من نظرات سعيد ليها ابتسمتله وهوا فرح انها بتلغيه لانه اكتشف انه معجب بيها 
محمد اخد باله باللي بيحصل ومن نظراتهم لبعض وقال لسعيد ان قمر بتقول انها بنت مش كويسه وان سمعتها في الأرض والاحسن انه يبعد عنها 
سعيد كان بيبص علي جسم عليا بنظرات جريئة ومش مهتم لكلام محمد وكل الي كان فارق معاه انه يقرب منها ! 
خالد كان واقف جمب قمر وبيتكلم معاها بخصوص الشغل الجديد وكانت قمر بتسمعه ووافقت علي افكاره الي اقترحها واستأذنت منه انها هتمشي وقامت وخرجت من المنطقه وراحت عند واحده صاحبتها في منطقة جمبهم واسمها سهر كانت سهر شغاله في محل ملابس كبير في المنطقة قربت قمر منها وعلي ملامحها الحزن 
سهر اتفجأت بشكلها وسألتها بقلق مالك ياقنر وشك بهتان كدا ليه 
قمر قعدت علي الكرسي بتعب وهيا بتقول طلع الحب دا صعب اوي يا سهر انا مش متخيله اني بقالي 3 شهور مشوفتوش رغم انه مقعدش هنا غير كام شهر بس انا اتعلقت بيه جدا! 
سهر بصتلها وقالت وهو مين دا بق الي بتتكلمي عنه ياقمر 
قمر ابتسمت وهيا بتتخيل هادي وبتفتكر تحول العلاقه بينهم من كره لحب وبتقول واحد ابن ناس اغنيه بس ايه غرور علي تناكه علي شويه جمال وحلاوه حاجه كدا العقل مايوصفهاش 
سهر ابتسمت علي وصف قمر للشاب الي بتحبه وقالت انتي عمرك معملتيها يابنتي دنتي من كتر ماكنتي بترفضي العرسان كنا بنقول انك معندكيش قلب ومبتحسيش! 
قمر بصتلها بابتسامه وقالت انا كنت فاكره كدا بس اكتشفت اني عندي قلب برضوا بس حاليا قلبي مش موجود في جسمي !! 
سهر ضحكت وقالت وياتري قابك فين ياست العاشقه هانم 
قمر بصتلها بحزن وقالت سافر من 3شهور ولحد دلوقت معرفش عنه حاجه 
سهر قربت علي قمر وطبطبت عليها وقالت وهو الي خلاه يسافر ويسييك كدا رغم انه بيحبك 
قمر افتكرت كلام هادي وقالت سافر علشان عيلته عايز يرجع كل ممتلكاتهم من جديد ! 
سهر بس دي حاجة حلوه يا قمر انه مش بيفكر في نفسه بس وبيفكر في عيلته كمان وفكرة انه عايز يرجع لمستواه القديم دا احسن قرار 
قمر ابتسمت بحزن وقالت بس لو اعرف هو ليه مش راضي يقولي علي الحقيقه وخبي علينا كلنا 
سهر
بتفكير حقيقة ايه دي ياقمر الي بتتكلمي عنها 
قمر حطت ايديها علي قلبها وقالت هادي مش مسافر علشان عيلته زي مقالي هادي سافر علشان حاجه تانيه بس مش عارفه هيا ايه لانه بعدما مشي عرفت من اصحابه انه طول عمره عايش بيصرف من فلوس ايوه يعني امره مهتم للشركه ولا يعرف الشغل ماشي ازاي !! 
سهر فعلا دي حاجه غريبه اوي بس العلم عند الله برضوا 
قمر سكتت وسهر قالت بس مش غريبه ياقمر انك تتعلقي بيه كدا وانتي لسا متعرفهوش غير من فتره 
قمر وقفت وقالت
الحب مش شرط يكون من عشرة سنين ياما ناس نعرفهم من سنين ومبنحبهمش الحب دا لما بيجي بيحتل القلب بدون تفكير 
سهر ابتسمت وقالت لا دانتي واقعه خالص ياقمر ودي مش عادت نهائي 
قمر سكتت وسهر كملت وانتي تفتكري لو هوا رجع وساعد عيلته ورجع شركاتهم
تاني هيرجع هنا المنطقة دي تاني 
قمر بصتلها بتفكير وقالت
هو قالي انه راجع بس في الحقيقه مفتكرش! 
سهر بصت عليها بحزن وقالت والشباب صحابوا دول عاملين ايه في الورشه وممشين الشغل ازاي 
قمر قالت عيدالله الي علمهم الصنعه والحقيقه هادي الي كان بيدلهم افكار سهر انتبهت لكلامها وبدات قمر توصفلها كل واحد فيهم وطريقته في الشغل واول واحد