قصة الورث والقاسية شيقة جدا ستعجبكم
° هو انتي مش واثقة فيا ؟
_اكيد واثقه فيك، بس طلعها من الاوضه مش لازم تقعد معاك في نفس الأوضه، واه مش لازم بردو تقولك يبيبي
ضحك ° حاضر، المهم دلوقتي هو وافق بجد ؟
_اه والله، روحله الشركة بكرة وهتتعين علي طول، هو قالي يعتبر نفسه شغال خلاص في الشركة
° حبيبتي ربنا يخليكي ليا، مش عارف من غيرك كنت هعمل اييي
_ولا يهمك يحبيبي أنا معملتش حاجه
° طب هقفل دلوقتي بقي عشان ألحق انام، تصبحي علي خير يحبيبتي
_وانت من أهل الخير
قفلت وانا مضايقه، حاسه إن فيه شئ غريب!، الباب خبط ف فتحته
_ايوة يا احمد في حاجه ؟
=مش جايلي نوم
دخلت اوضته وطلعت الدوا من الدرج
_يلا يا احمد بقالي نص ساعه مسكاه!
=ريحته قالبه الاوضه
_عشان تبقي كويس
=لي هو انا عيان؟
_أرحم امي العيانة واشرب
=..
_ملاهي بكرة ها، وقولت لباباك ووافق، ف لو مخدتوش ممكن..
خده من أيدي =مخدوش لييي؟ دا حتي طعمه حلو
شربه ووشه كرمش ف ضحكت
_اعملك عصير يضيع طعمه؟
=فيه عصير في التلاجة دييي
_انت عندك تلاجه في اوضتك ؟ دا ظلم يجدعان أنا معنديش واحدة في اوضتي
=خلاص خليكي قاعدة معايا هنا
_انا مبحبش التلاجات اصلا يمعلم
=هو انتي عندك كام سنه يمريم؟
_٢٣
=كتير اوييي
=لاء لاء خليكي مسلياني
_الله يكرمك
=نتفرج علي التليفزيون ؟
_متنام احسن
=مش جايلي نوم والله، نتفرج سوا وهنام بعدها
_طب افتحه
فتح التليفزيون وقعد جمبي، كان فيلم رومانسي، البطل قرب من البطلة ف لقيته قرب مني
_انت بتقرب لييي يا احمد؟
=تعالي نمثل زيهم
_لاء دا فيلم مش حلو اصلا، استني اقلب
شد مني الريموت وقرب كمان
البطل قال للبطلة أنها حلوة اوييي
=انتي حلوة اوييي
كان بيبصلي في عنيا، كانت عنيه بريئه، عمري ما شوفت عينين حلوة كده!
مد أيده وحط خصلات شعري ورا ودني زي ما عمل البطل، لاء جيم اوفر بقي مش هينفع
=مش عاوز دلوقتي
_يسطا مش هينفع نمثل انا مش خريجة فنون مسرحية أصله
قفلت التلفزيون، جيت امشي مسك أيدي
=خلاص افضلي قاعدة لحد ما انام
_يعم لو شاريني فكرني دافع فيا كام
=اقعدي يمريم بقي
_ماشي يسيدي، ها مش عاوز تنام لييي بقي؟
=عاوز بكرة يجي بسرعة عشان نخرج
_قد كده نفسك تخرج؟
=اوييي
_انت طيب يا احمد، العالم برا مش زيك كده
=اكيد الناس حلوة وكويسة
_لاء، فيه ناس وحشه، اب بيبيع بنته عشان الفلوس! العالم مش وردي ابدا
عيطت لما افتكرت الي ابويا عمله فيا
=متزعليش، أنا عرفت إن الناس حلوة لما شوفتك
