قصة الدكتور وما حدث معه أغرب من الخيال
وانتي ايه علاقتك بيه؟
شاكر دا حاول يقرب مني كان فاكرني من البنات اياهم...ممكن اتصاحب معاه
كان فاكر ان بفلوسه ممكن يشتري اي وحده
ويزغلل عنيها بالفسح والهدايا
ها وبعدين؟؟
انا صديته طبعا ولما ملقاش مني رجا
قال يتقدملي ويوصلي بالحلال
لكن انا رفضته وقولتلو لو كنت اخر راجل في العالم برضو مش هوافق عليك
حاول كتير وقال انه هيكتبلي ارض باسمي وجناين ويشتريلي شقه وعربيه باسمي
وانا صممت ورفضت
كنت فاكره ان الموضوع انتهي
لحد ما قابلتو في الليله دي واتعرضلي
وخطفني وجرني علي الطريق وعديت من قدام المستشفي
ووصل بيا لحد الساقيه المهجوره
وكان مغطي وشه
صرخت كتير واستنجدت لكن محدش سمعني ولا حس بيا
حاول يعتدي عليا وقطع هدومي وكل ما اهرب منه يشدني ليه
وقالي انتي فاكره نفسك مين انا ابيعك واشتريكي بفلوسي انتي واي بنت تعجبني
انتي ترفضيني انا
صرخت في وشه وقولتلو انا اهون عندي اتجوز واحد فقير واعيش معاه من عرقه
ولا اني اتجوز واحد عايش عاله وفرحان بفلوس اهله...انت مش راجل ولا عمرك هتبقي راجل
الكلمه وجعته اوي وبعدها لف ايديه حوالين رقبتي وفضل يضغط عليها ويقولي انا ارجل من اهلك كلهم
وفضلت اصرخ واضربه بايديه
لكنه كان اقوي مني وبعد ما قتلني
لفه الجثه في شوال ورماها في البير
طبعا اهلي اتجننوا عليا وقلبوا الدنيا كلها عشان يوصلولي لكنهم معرفوش
اهل البلد كلهم دورا عليا لكن محدش تخيل اني ممكن اكون هنا...منهم اللي افتكر اني اتخطفت او هجيت او هربت مع عشيق
واهلي ناس غلابه ومفيش في ايديهم حاجه
نظرت إليها باستغراب
طب وليه انا بالذات اخترتيني عشان اعرف الحقيقه دي واوصل لمكان الجثه
انا حاولت مع اكتر من شخص قبل منك
لكن كلهم كانوا جبنا وخافوا انهم يوصلو للساقيه المهجوره
انت الوحيد اللي قدرت توصل
اه دا من حظي الاسود
