قصة اتجوزت شهرين ونص

ده ايميل فيك لانى مش هقدر انزل من ايميلي ممكن تنزلوا مشكلتى
انا اتجوزت شهرين ونص بنت محترمه واخلاقها كويسه وذكيه طول فتره الخطوبه والجواز مشوفتش منها اى عيب خالص اهتمام وحب واحترام وادب وطول الخطوبه مطلبتش منى اى حاجه ولا اهلها اتشرطوا عليا فى حاجه والبنت حبتني حب مش طبيعي وانا كمان حبيتها
بعد الجواز باسبوعين خطيبها القديم تواصل مع والدى وبعتله  واتفقنا على الطلاق لكن فكرنا انا ووالدى ووالدتى ان كده هى هتاخد كل حاجه وانا لسه بدفع اقساطها وملحقتش اتهنى اتفقنا نرجعها ونعشمها اننا سامحنا ونعيشها معانا شهرين كده وابقى عملت فيها جميله عشان الناس متتكلمش عليها

على فكره انا كنت متجوزها  وفعلا البنت جت ليا لانها بتحبني جدا وقعدت تتكلم مع ابويا وامى وتشرحلهم ان خطيبها القديم هدفه كله انها تتطلق عشان يتجوزها وانه بينتقم منها عشان سابته هما قعدوا مع بعض ٤ سنين مخطوبين وخطيبها سافر واتجوز وخلف وهى متعرفش وكانوا هيتجوزوا لولا انها عرفت وسابته 
المهم رجعت وقعدنا مع بعض شهرين كانت بتروح تخدم امى وامى كانت بتضايقها بالكلام مكنتش بترد عليها هى ذكيه جدا جدا وبتعرف تاخد حقها بالادب وبرده اهلى كانوا بيعاملوها كويس جدا
طليقتي تعبت فيوم وقالتلى مش هقدر انزل اروح عند والدتك حصلت مشكله بينا وخدت قرار انى خلاص انا هطلق لانى مكنتش قادر اعيش معاها 
مكنش ينفع احكيلك عن حاجه وفعلا اطلقنا وقولنا لوالدها احنا هناخد العفش والدهب والمؤخر هى واهلها متكلموش قالولنا خدوا كل حاجه مش عايزين حاجه البنت قالت حسبي الله ونعم الوكيل بس
انا حاسس ان انا ظلمتها وانى بحبها بس شايف انها خدعتنى واستغفلتنى ومش قادر اسامح انا عرفت ان خطيبها القديم كلم والدها وعاوز يتجوزها ويمكن ده سبب غيرتي عليها
ياريت تقولولى لو مكانى هتعملوا ايه